Atentat mafioz në Shkodër, vritet 46-vjeçari. Durrës, 2 hajdutë plagosin oficerin e krimeve

::bud:: SHKODER/DURRES –Vrasja e një 46-vjeçari në Shkodër dhe plagosja e një oficeri krimesh në Durrës kanë tronditur opinionin publik mëngjesin e kësaj të diele. Dy persona kanë ekzekutuar pronarin e një lokali në lagjen “Zdrale” në Shkodër, ndërsa në Durrës është plagosur me mjete te forta një oficer i krimeve, në tentativë për të ndaluar dy grabitës.



SHKODËR, EKZEKUTOHET ME ARMË ZJARRI NJË 46-VJEÇAR, POLICIA NIS HETIMET
Një ngjarje e rëndë ka ndodhur mëngjesin e sotëm në Shkodër, ku një person është ekzekutuar me armë zjarri.
Burime nga policia lokale bëjnë të ditur se vrasja ka ndodhur në lagjen ‘Zdrale’, ku 46-vjeçari Kujtim Vajushi është qëlluar disa herë me armë zjarri, nga persona ende të paidentifikuar.
Mësohet se 46-vjeçari, pronar i një lokali në Shkodër, është qëlluar sapo ka dale nga automjeti i tij nga dy persona me motoçikletë dhe skafanda në kokë.
Policia ka mbërritur në vendin e ngjarjes dhe po punon për të zbuluar shkaqet dhe autorët e vrasjes. Pista kryesore ku po hetohet është ndonjë konflikt i vjetër mes autorëve dhe viktimës. Kujtim Vajushi është viktima e dytë e vrasjes në Shkodër gjatë këtij muaji. Disa ditë më parë në Berdicë të Shkodrës u vra shtetasi Lazer Paloka.
DURRËS, PLAGOSET ME MJETE TË FORTA OFICERI I KRIMEVE
Oficeri i krimeve në Durrës, Kujtim Vreka, është plagosur me mjete të forta nga dy persona, të cilët dyshohet se kishin grabitur dyqanin e tij. Ngjarja ka ndodhur rreth orës 04:00 të mëngjesit të sotëm në Lagjen 14 të Durrësit, kur Vreka ishte duke u kthyer në banesën e tij. Sipas burimeve nga policia, rreth 50 metra larg shtëpisë ai ka parë dy persona të cilëve u ka bërë thirrje të ndalonin, pasi dyshoi se kishin grabitur dyqanin e tij.
Këta të fundit e kanë goditur oficerin me mjete të forta, duke i shkaktuar plagë të rënda në fytyrë, dhe më pas janë larguar me shpejtësi. Policia po punon për identifikimin e autorëve, ndërkohë që oficeri Kujtim Vreka ndodhet në spital, jashtë rrezikut për jetën.




Vazhdo Leximin...

Komenti 0