| Shkodra -Lajme - Forum - Chat - Muzik - Radio -Video - TV :: Forums :: Rreth Shkodrës dhe per Shkodrën :: VLLAZNIA JONE |
|
<< Previous thread | Next thread >> |
| Ekipi i Vllaznisë do të gjejë temperatura më të ulta në Serbi, atje ku do të vazhdojnë stërvitjen .. | ||
|
Moderators: :::ShkoderZemer, SuperGirl, babo, ⓐ-ⓒⓐⓣ, Edmond-Cela, ::bud::, ~*Christel*~, Al Bundy, :IROLF:, ::albweb::, OLIVE OYL
|
| Author | Post | ||
| belgium |
| ||
  Registered Member #1142 Joined: Fri Aug 24 2007, 10:19amPosts: 12123 | E kanë mbyllur me shumë dëshirë stërvitjen në Shkodër futbollistët e Vllaznisë. Të stërlodhur nga vrapimi dhe mbi të gjitha nga vapa e madhe, ata i janë gëzuar së tepërmi ikjes nga qyteti i tyre dhe vajtjes në Serbi, aty ku mendohet që temperaturat të jenë më të ulëta. Ka mjaftuar të dëgjohej vërshëllima e fundit e bilbilit të trajnerit Radonjiç paraditen e djeshme, që sinjalizonte përfundimin e stërvitjes së fundit dhe të gjithë futbollistët njëkohësisht kanë duartrokitur gjatë dhe kanë lëshuar thirrje të ndryshme, duke shprehur kënaqësinë e tyre që mori fund një kalvar i tillë stërmundimi në temperatura 40 gradë. Në fakt, ishte edhe e bukur t’i shikoje futbollistët e Vllaznisë që në çdo moment pauze të stërvitjes të vraponin drejt kovave dhe shisheve të ujit për t’u freskuar, madje bërë edhe qull. Njëri prej futbollistëve, që ishte i gjithi i lagur, bënte humor: “Thonë pastaj që futbollistët e Vllaznisë nuk djersijnë në fushë. Ne jo vetëm djersijmë, por jemi të qullosur krejt.” Pas përfundimit të seancës së paradites (pasditja ka qenë pushim), trajneri Radonjiç, me një listë në dorë, ka lexuar emrat e lojtarëve që të dielën (sot) do të niseshin për në Serbi. Sigurisht, mund të ketë pasur edhe ndonjë pakënaqësi tek elementi i ri, megjithatë vetë trajneri malazez në fund të stërvitjes ka mbledhur grupin dhe në prani edhe të zëvendëstrajnerit të ekipit të të rinjve Samuel Nikaj, u ka komunikuar atyre lojtarëve që nuk do të jenë në Serbi planin e punës për periudhën kur nuk do të jenë me skuadrën. Sipas Radonjiçit, përzgjedhja e lojtarëve që do të jenë pjesë e ekipit të parë nuk mbaron tani, por një javë përpara nisjes së kampionatit dhe prandaj ai u ka këshilluar këtyre lojtarëve të rinj të vazhdojnë punën në mënyrë sistematike. Lista e lojtarëve që udhëtojnë sot drejt Serbisë 1. Miroslav Vujadinoviç 2. Armir Grimaj 3. Fabiol Rexhepi 4. Dritan Smajli 5. Blazho Rajeviç 6. Sadush Danaj 7. Olsi Gocaj 8. Ilir Nallbani 9. Arsen Sykaj 10. Amarildo Belisha 11. Edon Hasani 12. Albert Kaçi 13. Armando Vajushi 14. Ndriçim Shtubina 15. Ari Djepaxhija 16. Ansi Nikaj 17. Ervis Kraja 18. Vioresin Sinani 19. Valdano Nimani 20. Liridon Kukaj 21. Alis Baçi 22. Eklen Hotaj 23. Stivi Shaba 24. Daniel Jumiç [ Edited Mon Jul 26 2010, 07:49am ] | ||
| Back to top | | ||
Powered by e107 Forum System
