pimp ka shkruar:

Po nqs nuk jeton si ke me e dit si asht Shkodra Kacik?!Shkodra asht permirsu shume kto koht e fundit.Rrugt jane rregullu bajagi.Dritat mungojn pak e hiq.Tjerat i ka ne dore bashkia.

Kaciku ka shkruar:



Nigja pimp un e kam me te nigjume se da shok sa jan kthy prej atje, e me fjal te tyne me krahasu shkodren me qytetet tjera si Tiranen-Durrsin e Vlonen shkodra asht afganistan, masanej me ca kam ndi prej tyne njato rrugt e hymjes e e qenra asht rregu e shtru ifije mor burr se ma keq asht ba se ka ken dikur sidomos lagjet e reja qi jan kriju mas 92shit, edhe bacallekun e pazari skan nryshu hic vec ma kec jan ba e duken, nejse po e pave me kujdes taman asnji rrug apo investim serioz nuk asht ba ne shkoder, masanej mos ja leni bashkis tana e burr se bashkia ska ku me i marr lekt po tana fondet i nep qeveria per rrug e me rradh. Mu me vjen keq se Salia po mashtron shkodren prap si bani ne fillim deri n'vitin 97, ai asht tu lidh tan shqypnin e mesme e te jugut me autostrada e rrug e asht tu nertu porte e asht tu pru investimet e pafara ne kta zona kurse ne shkoder ala se ka ba i ur e ala se ka ba nji unaze ja ma me fol per rrug e autostrada qi se ka ba nji me than. thom edhe iher mu me vjen keq per popullin e shkodres qe jan tu lan vedin e jan tu i lan prap edhe ne demokraci mrapa gjithkuj, tash nuk munena me nejt tu fajsu turkun e komunizmin se si turku e si komunizmi kan ik ka here, tash un per vedi s'po di kuj me ja vu fajin qi shodrodra po lehet prap mrap gjithkuj.

pimp ka shkruar:



Po svjen ne Shkoder me investu kush perderisa kan frike njerzit me jetu,se mas ti vijn nakush me e vra per me i marr lekt.Gjakmarrja manej.

Kaciku ka shkruar:



Lene mor pimp se edhe me dasht nuk po ti len kush me ardh e me investu ne Shkoder, se interresat e politiks vete jan njato zona qi asht tu u investu masivisht, lene pimp se tan miqt e dashamirsit e politiks jane neper Tiran-durrs-vlone, po ca dreqin dojn ne shkoder, ne shkoder vin vec me mashtru me marr njato vota, masanej ti shifi tan politikant e shkodres jan shperngule ne Tirane ku bahen ankande e ku asht leku i qeveris edhe kja te difton dica apo ja. Masanej cfar gjakmarrjet e burre se ala s'kam ndi kend qi asht vra nji investus i huj pa dashje e as kot, hajt mor burre se gjakmarrja me duket mu se asht justifikim i Sali mashtrusit. Mu edhe me vjen keq se shumica e tramve jan ule ne tiran e durrs e ke sa te dush ne gjak por per kto qytete nuk permenet gjakmarrja e as nuk ndikojn ne naljen e investimeve. Asht ma mire me than njashtu si asht se shkodres po vazhdojn me ja fut ujin e lagun nen beth e mrapa gjithkuj jan tu e lane me qellim megjithse llapazanat e militant e ksaj qeverie qi jan tu mush xhepat vete neper shkoder vetem se jan te lidhun me Saline shpifin e hapin lajme demek se asht ba nami tu investu ne shkoder se kergja nuk asht investu por per faqe te zeze asht lane e ka mu lane sa tjet sali berisha gjall.

pimp ka shkruar:



Po shkojn normal ne qytet e tjera ma te qete,se normal se kur nin ca nodh ne Shkoder i ban frike me shku.Tirana manej asht kryeqytet e i jepet ma perparsi.Durrsi port gjithashtu sepse asht afer me Tirane.Asht e kote me gjet fajtor se kur nuk pagujn taksat qytetart e qyrin vec me vjedh ska si me investu shteti.

shkodra ka shkruar:

besoj se ne kto 4 vjet ka ba ate qe nuk kan ba tesh 13 vjet.....

shkodra ka shkruar:

besoj se ne kto 4 vjet ka ba ate qe nuk kan ba tesh 13 vjet.....

Kaciku ka shkruar:



Ca nodh ne shkoder ma njiri qi mesa di un ka nivelin e krimit ma te vogel ne vend, kush t'tha ty njihere se ka qytet ma te qet se shkodren ? Pa mar pa Tirana asht kryqytet me vjell e me nda njata fonde mes vedit njata pushtetar sa te munden, pa edhe shkodra vec e tan fukarejt neper shqipni jan njerz e jan shqiptare, nuk jan serb as grek ta marrsha, per cilat taksa je tu fol mar burr, se ste fal kush ne at vend ma mos me pagu taksat, masanej ne qoft se shkodra asht lan mrapa gjithkuj me investime nuk do mend se ska si me pas biznes e tegti me vjel taksa ku me i marr, me ca di vet ju krijohen kushte e ndihmohen njerzt per mu zhvillu si tregti, e nuk persekutohen per me mashtru si pa bahet me qytetart e shkodres. Pse a thu nuk jan tu vjell kta pushtetart tone a'' ne Tiran e gjithkund, a ban me te pyt mar pimp me ca jan tu nertu tan njata apartamente gjithkund neper shqipni, a nuk flitet se paret e fisht me nertu apartamentet e velipojs jan paret e Ilir mets a'', a nuk flitet se edhe Jozefina sht tu nertu te ish turizmi vjeter a'', a nuk flitet se tana apartamentet neper Durrs e Vlone jan tu u nertu me lek te politiks e deputetve a', tash normalisht se ku ka za nuk asht pa gja thot nji fjal e urt edhe doren ne zjerm se vej se nuk jan tu vjell, masanej ma njiri ty a te bahet qefi se jan tu mashtru shkodren a, qi pa ju del zot kaq shum apo te vjen keq per shkoder se jan tu katandis e tu e lan mrapa gjithkuj tjeter

Të varrosun mes plehnash

Në lashtësi te vorret e të mëdhajve të kombit mbasardhësit kanë djegë kem dhe aroma të kushtueshme, kurse ne te vorri i të mëdhajve të kombit djegim plehnat e nji qyteti mbarë.
Nga Ardian Ndreca
Wed, 11 Jun 2008 08:09:00

Në lashtësi te vorret e të mëdhajve të kombit mbasardhësit kanë djegë kem dhe aroma të kushtueshme, kurse ne te vorri i të mëdhajve të kombit djegim plehnat e nji qyteti mbarë.

Mjafton me shkue tek të ashtuquejtunat “vorreza të dëshmorëve” në Shkodër, ku prehen eshtnat e Pashko Vasës, Luigj Gurakuqit dhe Migjenit për me pa degradimin e plotë të atij që duhet të ishte altari i kombit.

Ai që pat këndue “O moj Shqypni e mjera Shqypni, kush të ka qitun me krye në hi” – sot gjindet vetë me krye në pleh.

Ai që shpalli në Vlonë pamvarsinë e që ma vonë stigmatizoi me forcë veset e politikës shqiptare në parlamentin e viteve ’20 – sot prehet vetëm pak metra larg plehnave të qytetit të vet.

Ai që pat shkrue “Poemën e Mjerimit” dhe Novelat e qytetit të veriut gjindet sot i rrethuem me male plehnash gjithfarësoji që lëshojnë drejt qiellit nji erë të qelbt, të athët e të padurueshme.

Mes atyne maleve me plehna kullosin derra të zhigatun e lopë krymçale e fëmijë gabelësh mbledhin shishe e hekura, ndërsa pak ma tej kope qejsh të unshën sillen në kërkim të ndonji gjaje për me hangër.

Marre prej gazets Shekullionline

Topalli: Nuk ka negociata me Metën

Kryeparlamentarja i kujton Ramës se mori përgjigjen e fundit me zgjedhjet e Ballagatit


Kryetarja e Kuvendit, Jozefina Topalli, ka mohuar dje të gjithë zërat se Kryeministri Berisha po realizon negociata të fshehta me kryetarin e LSI-së, Ilir Meta. Ajo ka deklaruar nga Shkodra se ky nuk është një fakt i vërtetë dhe se negociatat ashtu siç ka deklaruar edhe Berisha do të jenë transparente dhe në kohën e duhur. Ndërsa në lidhje me deklaratën e Ramës se "PS-ja nuk do të ndalet deri në zgjedhje të parakohshme", Topalli është shprehur se kjo është një përpjekje e dëshpëruar e kreut të opozitës që ka ardhur si rrjedhojë e dështimit në zgjedhjet e 28 qershorit. Duke i sjellë si shembull zgjedhjet e fundit në Ballagat, Topalli tha se me këto zgjedhje, populli i dha përgjigjen e fundit PS-së. Duke mos e vënë në diskutim fitoren e zgjedhjeve të 28 qershorit, Topalli ka vlerësuar edhe punën e institucionit të KQZ-së, i cili si asnjëherë tjetër në historinë e tij, tha ajo, certifikoi rezultatin e zgjedhjeve 7 me 0. Për Topallin, Partia Demokratike ka merituar fitoren e mandatit të dytë. Ajo tha se qytetarët e kanë vlerësuar me votë për atë që PD-ja bëri në mandatin e saj të parë. Sipas Topallit, mandati i parë ka qenë një sfidë e vërtetë për qeverinë "Berisha" së cilës iu desh të punojë fort për të ndërtuar një shtet i cili pothuajse nuk ekzistonte. Kur Berisha dhe PD-ja erdhën në pushtet më 2005-ën, tha Topalli, situata ishte mjaft e vështirë, vendi ishte i përfshirë nga korrupsioni i lartë shtetëror dhe nga trafiqet. Sot, sipas demokratëve, gjërat kanë ndryshuar dhe kjo u dëshmua nga fakti i anëtarësimit me të drejta të plota në NATO, i aplikimit për vend kandidat për në BE, i mundësisë së liberalizmit të vizave brenda vitit të parë të mandatit të dytë qeverisës dhe shumë premtime të tjera, të cilat demokratët i kanë realizuar gjatë mandatit të parë dhe që përfundimi i tyre do të arrihet gjatë mandatit të dytë qeverisës. Topalli, këto deklarime i ka bërë nga qyteti i Shkodrës ku ndodhej dje duke bërë disa inaugurime në Komunën e Bushatit. Komunë, e cila muajt e fundit ka qenë në vëmendje të qeverisë për numrin e investimeve të bëra atje. Topalli ka inauguruar ndërtimin e një rruge e cila të çon nga Bushati në fshatin Barbullush me një gjatësi prej 18 kilometrash dhe me një fond prej 19 milionë lekësh. Gjithashtu, kryetarja e PD-së ka inauguruar edhe punimet për ndërtimin e një fushë sportive në Komunën e Bushatit. Vitet e fundit në qytetin e Shkodrës dhe komunat përreth investimet janë shtuar ndjeshëm duke i ndryshuar fytyrën këtij qyteti, i cili u la pas dorë sipas demokratëve gjatë qeverisjes së PS-së për tetë vjet me radhë.


© Gazeta Shqip - 2006-2008

Banorët, ‘derman’ te doktori i kafshëve

(Dërguar më: 17/06/09) Brikena Shllaku

SHKODËR T mjekohesh nga veterineri?! Kjo është alternativa e vetme për banorët e Vermoshit në Shkodër. Që prej shumë vitesh, 1200 banorë të kësaj zone janë të privuar nga shërbimi mjekësor. Mungesa e këtij shërbimi ka bërë që ata të kthejnë sytë nga veterineri, i cili mesa duket bën dy punë njëkohësisht; kujdeset për shëndetin e kafshëve por edhe për njerëzit. Ndërsa, mungojnë mjekët dhe infermierët, banorët trokasin tek veterineri. Ky i fundit tashmë është "trajnuar" e kthyer në mjek dhe infermier për gjithë zonën. Situata absurde e trashëguar prej më shumë se dhjetë vitesh i ka lodhur banorët. Kërkesat për rikthimin e shërbimit mjekësor e për shumë probleme të tjera kanë rënë në vesh të shurdhër, ndaj ata nuk rreken të trokasin më kot dyerve të institucioneve shtetërore, për më tepër tani që jemi në fushatë elektorale. Prek Vata, një banor i zonës tregon se para 10 vitesh është bërë rikonstruksioni i Qendrës Shëndetësore në Vermosh, por tashmë nga kjo godinë nuk ka mbetur asgjë. Ndërtesa është shkatërruar plotësisht, nuk i ka mbetur asgjë, veçse mure të rrënuara, çatia e rënë, nuk ka as dyer, as dritare. Fati i 1200 banorëve është në dorë të Zotit. Ata thjesht luten që të mos sëmuren. Në raste emergjente, shpëtimi i vetëm iu vjen nga Mali i Zi. Falë pikës kufitare të Bashkimit, banorët e Vermoshit mund të shkojnë për pak minuta në shërbimin mjekësor të zonës malazeze, aty ku nuk mungon mjeku dhe infermieri. "Në kohën e Partisë së Punës, këtu ka pasur edhe spital me 21 shtretër. Ajo kohë mos ardhtë kurrë, por ama shërbimi mjekësor ka qenë i garantuar", - shprehet njëri nga banorët e zonës. Nga ana tjetër, banorët shprehen optimistë se më në fund është ndezur drita jeshile për ndërhyrjen në rrugë. Rreth 40 milionë lekë është fondi i dhënë për rrugën Hot-Tamarë, që është rreth 30 kilometra e gjatë. Ky segment rrugor, pjesë e Komunës së Vermoshit, pritet të përfundojë brenda tre muajve. Sipas drejtuesve të Komunës së Shkrelit, mësohet se ky investim do të bëjë që rruga të shkurtohet rreth 7 kilometra. "Me përfundimin e këtij investimi, segmenti Hot-Tamarë do të jetë vetëm 23 kilometra dhe kjo për banorët e kësaj zone do të thotë shumë", - thotë kryetari i Komunës, Ndue Lelcaj. Mësohet se është hartuar dhe projekti për të gjithë aksin Hot-Vermosh, i cili kërkon një investim shumë të madh, aq më tepër që projekti ka parashikuar një rrugë dykalimshe, 8 metra të gjerë, të përshtatshme për zhvillimin e turizmit në këto zona. Sipas drejtuesve të Komunës, është parashikuar që investimi në të gjithë rrugën të përfundojë brenda 3 viteve.

Copyright 2007 Gazeta Shqiptare


Vermoshi pa ambulancë, mjekë nga Mali i Zi

16/06/2009 Një vizitë kushton 80 euro

SHKODER- Banorët e fshatit Vermosh, më të skajshmit verior të vendit, kërkojnë ndërhyrjen emergjente të qeverisë për rikonstruksionin e plotë të qendrës së tyre shëndetësore dhe njëkohësisht marrjen e masave për dërgimin e një personeli të kualifikuar mjekësor, i cili mungon prej vitesh. Kërkesë emergjente e banorëve të Vermoshit është dhe furnizimi me medikamente, pasi aty nuk ka asnjë farmaci. Sipas banorëve të Vermoshit, qendra shëndetësore e tyre u ndërtua e re para dhjetë vitesh, por cilësia e dobët e punimeve solli shkatërrimin e saj vetëm një vit më pas, si pasojë e reshjeve të shumta të dëborës dhe stuhive. Tashmë kjo qendër shëndetësore ka dalë krejtësisht jashtë përdorimit ndaj duket një rikonstruksion i plotë i saj. Nga ana tjetër rreth 1500 banorë të këtij fshati të thellë malor nuk kanë mundësi të vizitohen, apo mjekohen në fshatin e tyre, pasi mungon si mjeku ashtu dhe infermieri. Vermoshasit janë të detyruar të gjejnë zgjidhje tek mjekët e Malit të Zi, meqë kufiri është afër tyre. Në rastet e vizitave të ndryshme banorët shkojnë vetë në Mal të Zi, por në sëmundje të rënda janë të detyruar të thërrasin mjekun malazez, i cili shkon në Vermosh kundrejt një pagesë tepër të rëndë për xhepat e banorëve të zonës në fjalë. Sipas tyre, mjeku malazez duhet të paguhet me 50 euro për vizitën dhe 25 euro për rrugën nga Mali i Zi në Vermosh. Kjo është një shumë e konsiderueshme, por fatmirësisht shumica e familjeve kanë fëmijë në emigracion që u paguan para.

© 2004 METROPOL GROUP

Dobjani jep alarmin për kushtet në azile dhe jetimore

Avokati i Popullit, inspektime në Shkodër: Fëmijët nuk kanë ambiente, pleqtë s‘kanë kujdes


Zyra e Avokatit të Popullit ka inspektuar azilin e pleqve dhe shtëpinë e fëmijës në Shkodër, duke gjetur një sërë problemesh. Inspektorët kanë konstatuar se në shtëpinë e fëmijës në Shkodër kishte lagështirë dhe veshmbathjet nuk ishin të mjaftueshme. Ndërsa në azilin e pleqve problemi kryesor ishte asistenca mjekësore, si edhe veshmbathjet. Ky institucion përbëhej nga një godinë e vetme dykatëshe, e ndarë nga dhoma me dy shtretër, me TV, krevate dhe komodina të reja, dollapë të bollshëm për rrobat dhe një tualet me dushe në çdo korridor. Gjatë këtij inspektimi u vunë re kushte të mira të dhomave ku strehoheshin pleqtë, godinë kjo e rikonstruktuar vitet e fundit. Krahas të mirave kishte edhe probleme, si mungesa e asistencës mjekësore, e cila deri në dhjetor të vitit 2008 sigurohej nga një mjek i punësuar me kontrate part-time. Që nga janari i këtij viti kjo gjë nuk funksiononte më për shkak të shkurtimit të fondit për pagesën e këtij mjeku. Gjithashtu problem ishte edhe lavanderia. "Shqetësues mbetej fondi i vënë në dispozicion për veshmbathje, i cili nuk mjaftonte për këtë kategori të moshuarish. Problem tjetër i ngritur nga stafi i kësaj shtëpie ishte mungesa në listën e pranimit për këta persona nga shërbimi social, të librezës shëndetësore, e cila e vështirësonte punën, pasi personat e strehuar janë nga rrethe të ndryshme të vendit", thanë inspektorët e Dobjanit.

Ndërkohë, shtëpia e fëmijës ishte një godinë dykatëshe, e bollshme për kapacitetin e plotë të saj për 70 fëmijë, por që aktualisht strehohen 36 fëmijë, ndër të cilët 26 djem dhe 10 vajza të moshës 6-15 vjeç. Problem shqetësues, sipas Avokatit të Popullit, mbetej lagështira nëpër mure, në korridore, dhoma dhe në mensë. Kjo sipas drejtuesit vinte si rezultat i mungesës së hidroizolimit të tarracës. Furnizimi me artikujt e veshmbathjes së tyre ishte një shqetësim tjetër i rëndësishëm për këta fëmijë dhe fondi i vënë në dispozicion nuk mjaftonte, duke pasur parasysh se në këtë moshë është edhe kulmi i zhvillimit të tyre fizik. Edhe për furnizimin me ujë shumë shpejt do të fillonte një investim.


© Gazeta Shqip - 2006-2008

Ju tregoj për tregtinë e shkodranëve në Mal të Zi

VIRTYT ABDYLI

10/08/2009 Flet tregtari Xhavit Dinja: Patëm fitime të mira deri në para pak vitesh. Na “mposhtën” kinezët

SHKODER- Papunësia e madhe që ekziston prej 18 vitesh në qarkun e Shkodrës po e detyron akoma një pjesë të mirë të tregtarëve shkodranë dhe atyre nga Malësia e Madhe që të vazhdojnë aktivitetin e tyre në Tuz të Malit të Zi, ndonëse edhe atje tregtia ka rënë pothuajse krejtësisht. Tregtarët nga zona e Shkodrës filluan të shisnin mallra të ndryshëm në këtë qytezë të Malit të Zi në fillim të viteve ‘90-ë ,që përkon dhe me hapjen e Shqipërisë me vendet e tjera, sidomos ato fqinje. Mundësia e tregtimit në këtë shtet ishte e madhe, pasi Mali i Zi në atë periudhë po kalonin vështirësitë mëdha në furnizim me pothuaj të gjitha llojet e mallrave. Të parët që patën shansin të përfitojnë viza dhe të ushtrojnë aktivitet të vogël tregtar në Mal të Zi ishin shtetasit shqiptarë me kombësi malazeze si dhe një pjesë tjetër shqiptarësh të cilët kishin të afërmit në shtetin fqinjë. Duke qenë se tregu i shtetit fqinj sillte fitime të shpejta dhe të konsiderueshme tek tregtarët, nisur dhe nga mbyllja e ndërmarrjeve shtetërore në vendin tonë, çka solli një numër të konsiderueshëm të papunësh, shkodranët dhe banorët e Malësisë së Madhe filluan ta kapërcenin kufirin, së bashku me mallrat e tyre, në mënyrë klandestine qoftë duke kaluar nëpër mal, qoftë nëpër Liqenin e Shkodrës. Ushtarët apo policët e Malit të Zi, të ndikuar nga nevojat që kishte shteti i tyre, shpeshherë e bënin sikur nuk shihnin thyerjen e kufirit, duke i lejuar shqiptarët që të shkonin e të tregtonin mallrat e tyre në Podgoricë dhe Tuz. Më pas shteti malazez filloi të aplikonte kalimin e kufirit me pagesë direkt të vizave një mujore me një kalim, veprim ky që shtoi dukshëm numrin e tregtarëve shkodranë në Mal të Zi, të cilët fitonin nga tregtia aq sa jo vetëm të mbanin familjet por edhe të krijonin komoditetet e munguara prej 45 vitesh në shtëpitë e tyre dhe kjo vetëm me anë të punës së tyre në shtetin fqinj. Sipas fjalëve të tregtarëve të vjetër shkodranë, të këtij lloj tregu kjo tregti zgjati deri në vitet 1997-1998, pasi më pas fitimi erdhi duke rënë dhe tani tregtimi i mallrave nga shkodranët, në shtetin fqinj, është duke shkuar drejt përfundimit. Rreth fillesave të tregtimit dhe vështirësitë e tanishme në tregtimin e mallrave në Mal të Zi është shprehur për gazetën “Metropol”tregtari Xhavit Dinja.

Duke qenë tregtar i vjetër i Tuzit, a mund të na thoni se kur filloi tregtia e shqiptarëve në këtë vend dhe pse?

Mbaj mend se kanë qenë vitet 1992-1993, kur tregtarë nga Shkodra dhe Malësia e Madhe filluan të tregtonin në Podgoricë dhe Tuz. Fillimisht kishte pak tretarë, por duke qenë se u hap shpejt fjala se të ardhurat krijonin një jetesë mjaft të mirë, numri i tyre erdhi duke u shtuar shumë shpejt. Personalisht ngurova fillimisht, pasi nuk kishim as para për të blerë mall me shumicë, por me pas duke qenë se kisha dalë pa punë dhe familja po mbahej vetëm me asistencë mora guximin dhe me ndihmën edhe të të afërmve të mi bleva disa artikuj të ndryshëm dhe fillova të dal në Tuz. Fillimi ishte mjaft i vështirë, pasi nuk njihja as gjuhën, ndërkohë që të tjerët kishin filluar që të zinin klientelën e tyre. Por, kanë qenë tregtarët shkodranë, ato më të vjetrit apo e thënë ndryshe ata që kishin dalë të parët, të cilët më ndihmuan që të tregtoja dhe të mësoja dalëngadalë fjalët e gjuhës serbo-kroate, të cilat përdoreshin më shpesh në punën tonë të tregtarit.

Si ishin fitimet në atë kohë?

Askush nuk kishte shkuar për të arritur në një mirëqenie për t’u patur zili, por për të siguruar të ardhura për mbajtjen e familjes. Të gjithë kishin dalë në Mal të Zi për të siguruar jetesën, dhe nuk ishte e lehtë, pasi tregtimi i mallrave nga shtetasit e huaj nuk ishte i ligjëruar dhe tregtia në njëfarë mënyre bëhej me frikë, sidomos për ne që vinim nga një vend ish-totalitar dhe shkonim për të tregtuar në një vend tjetër totalitar në një kohë që e dinim fort mirë se çdo të thoshte ai lloj sistemi. Por më pas filluam avash-avash të krijonim klientelën, të merrnim porositë e artikujve për të cilët ata kishin nevojë dhe kështu fitimet normalisht erdhën duke u rritur, aq sa filluam të kompletonim shtëpitë tona, të trashëguara bosh nga sistemi i para ‘90-ës, me të gjitha pajisjet që kishte nevojë si dhe filluam të bënim një jetë shumë të mirë, përsa i takon të ushqyerit, pasi edhe për atë kishim nevojë, sidomos për fëmijët tanë në mënyrë që ata të mos rriteshin me atë ushqimin e varfër me të cilin u rritëm ne. Njëkohësisht dhe kërkesa për veshje më të mira kishte ardhur në rritje, ndaj edhe këtë kërkesë detyrimisht do ua plotësonim fëmijëve tanë.

Deri kur vazhduan të ishin të mira fitimet nga tregtia me Malin e Zi?

Të ardhurat ishin mjaft të kënaqshme deri nga fundi i vitit 1998. Më pas në Tuz, ku u përqendrua dhe tregtia, filluan të vinin për të shitur mallrat e tyre edhe tregtarë nga vendet e tjera si Moldavi e Rumani të cilët për të mbijetuar, filluan të na konkurronin me çmime më të ulëta se ne, pasi edhe mallrat i kalonin më lehtë se ne nëpër dogana. Kjo rënie e fitimit, zgjati afërsisht deri nga fillimi i vitit 2000, kohë kur tregtarët e këtyre vendeve filluan të largoheshin, pasi duke qenë se vendet nga vinin, ishin larg nuk mund të përballonin dot, siç thoshin ata, qëndrimin për kohë të gjatë larg familjeve të tyre. Kështu në këtë periudhë filluam të kemi një frymëmarrje, le të themi në drejtim të mundësisë së shitjes së artikujve tanë, por pa mundur dot të rrisnim çmimet, pasi klientët tanë ishin mësuar tashmë me ata lloj çmimesh dhe natyrisht kjo bënte që edhe fitimet tona të ishin më të ulëta, megjithatë edhe ashtu ishim shumë të kënaqur,pasi në Shkodër nuk mund të gjenim punë për të jetuar. Por kjo nuk zgjati shumë, pasi në Tuz filluan të vinin tregtarë nga Kina ,të cilët madje edhe u vendosën për të jetuar në Mal të Zi. Natyrisht kinezët duke qenë se tregtonin artikujt e tyre që i sillnin direkt nga vendi i tyre ,në një farë mënyre filluan ta pushtonin tregun,duke na detyruar ne me anë të konkurrencës, që të mos tregtonim mallrat kinezë që i merrnim në Tiranë me çmimin që kinezët i shitnin në treg të Tuzit. Përveç këtyre, një pengesë për tregtimin e mallrave të ardhur nga Turqia, filluan të bëheshin vetë tregtarët malazez,të cilët në këto 4 vitet e fundit filluan të shkonin vetë në Turqi dhe ta merrnin mallin, të cilin natyrisht që kishin mundësi ta shisnin më lirë se ne.

Janë të gjithë këta faktorë që kanë ndikuar në mospasjen mundësi të ushtrimit të aktivitetit tregtar nga ana jonë dhe rrjedhimisht fitimi ka rënë aq sa më shumë se gjysma e tregtarëve shkodranë, duke parë që jo vetëm nuk po fitonin ,por po dilnin edhe me humbje , e kanë lënë tregtinë e Tuzit. Them me humbje pasi këtu ka shpenzime të shumta po të llogarisim se 5 euro kushton rruga vajtje-ardhje (kjo vetëm për ne tregtarët e përditshëm është kaq, sepse për të tjerët është më shtrenjtë), 2 euro paguhet vendi i shitjes për m2, në një kohë që për të hapur mallin duhet të paktën 2 m, pra rreth 20 euro në muaj paguhet vendi ku lëmë mallin, pa llogaritur këtu që duhet edhe të hamë diçka në lokale dhe ushqimi është më shtrenjtë se në Shkodër. Përveç atyre që tashmë e kanë lënë këtë punë,edhe ne që jemi këtu, po qëndrojmë kryesisht vetëm për të eliminuar dalëngadalë mallin që na ka mbetur, përjashto këtu ndonjë tregtar të fuqishëm që e merr mallin me shumicë, direkt nga Turqia apo Kina. E thënë shkurt ky treg për shkodranët ka falimentuar. Nisur nga ky fakt shpresoj se pas këtyre zgjedhjeve nuk do të mendohet më veç për shtrim rrugësh, por edhe që të krijohen mundësitë për t’u punësuar në vendin tonë,sidomos për të rinjtë, pasi nuk duam më t’i shohim me sytë drejt emigrimit.

Bisedoi: Virtyt Abdyli

© 2004 METROPOL GROUP

Ura e Bunës mban peng marrëdhëniet tregtare Shqipëri-Mali i ZI

Ura e re e Bunës duket se po bëhet pengesë për transportin e mallrave drejt Ulqinit dhe anasjelltas.

Në fakt është pikërisht kjo urë që do çonte në rritjen e transportit jo vetëm të pasagjerëve, turistëve por edhe mallrave me këtë zonë me shqiptarë dhe kulturë të turizmit. Tri javë pas nisjes së punës në të vetmen doganë të përbashkët në Ballkan, është kthyer në domosdoshmëri realizimi brenda afateve i projektit të Urës së re të Bunës. "Duhet të shpejtoni në ndërtimin e Urës se re mbi lumin Buna, pasi prej saj kushtëzohet lëvizja tregtare e mallrave me Ulqinin", është shprehur kryetari i Komunës së Ulqinit, Gëzim Hajdinaga.
Ish-ministri malazez i pakicave etnike ka qenë dhe iniciatori kryesor nga pala malazeze për hapjen e pikëkalimit kufitar të Muriqanit, në maj të vitit 2002. Sipas Hajdinagës, pikëkalimi kufitar i Muriqanit që lidh Shkodrën dhe Shqipërinë me Ulqinin deri më 15 qershor të këtij viti ka shërbyer vetëm për kalimin e njerëzve, ndërsa tani duhet të fillojë edhe qarkullimi i mallrave në të dy anët e kufirit. Ndërkohë, Hajdinaga pohon se gjithçka varet nga ndërtimi i urës së re mbi lumin Buna, pasi ajo aktuale nuk e ka kapacitetin për të përballuar lëvizjen e mjeteve të ngarkuar me mallra. "Nëse do të lejohet kalimi i mallrave pa u bërë ura e re, atëherë kalimi mbi urën ekzistuese i jep shkak lëvizjes së pakontrolluar të mjeteve të tonazhit të rëndë. Kjo do të ishte fatale për vetë gjendjen aktuale të urës ekzistuese", thonë specialistët.
Por në fakt Hajdinaga nuk ka përmëndur edhe një mungesë të theksuar të anës Malazeze. Rruga nga dogana e përbashkët Muriqan-Sukobine e deri në Ulqin apo Tivar është krejtësisht e ngushtë dhe jashtë kapaciteteve të mëdha trasnprotuese. Pa dyshim nuk ka edhe nukl thuhet asgjë mbi zgjerimin e saj nga qeveria e shtetit të vogël fqinj. Punimet për ndërtimin e Urës së re të Bunës filluan vitin e kaluar, ndërsa pritet të përfundojnë në vitin 2010. Por, ecuria e ngadaltë e punimeve lë të dyshosh për realizimin brenda afateve të caktuar të këtij objekti me rëndësi të veçantë. Ndërtimi i urës së re mbi lumin Buna lidhet me zhvillimin ekonomik të gjithë rajonit, sidomos të turizmit. Janë rreth 12.000 banorë që jetojnë në krahun tjetër të lumit. Bëhet fjalë për banorët e lagjeve Shirokë e Zogaj, buzë liqenit të Shkodrës, një pjesë e lagjes "Liria", një pjesë e Komunës Rrethina si dhe Komuna Ana e Malit, ku dhe ndodhet pikëkalimi kufitar i Muriqanit. Projekti i urës së re kap shifrën e 7 milionë dollarëve.
Ajo po ndërtohet rreth 300 metra larg urës ekzistuese e cila u rrëzua nga një betoniere përpara pesë viteve. Sipas projektit, gjatësia e kësaj ure arrin në 276 metra, ndërsa gjerësia e përgjithshme 13.5 metra (4.75 metra), sepse ura do të jetë me dy korsi dhe dy trotuare, me 2 metra gjerësi. Ura e re do të jetë e lëvizshme, në mënyrë që të hapet në rastin e kalimit në lumin Buna të anijeve që kanë lartësi mbi 6 m. Ura e Bunës po rritet dhe janë hedhur të gjitha gjymtyrët e saj prej betoni dhe në fakt duhet thënë se kjo urë do të bëjë që të ketë liri të vërtetë qarkullimi midis Malit të Zi dhe Shqipërisë.
Por projekti i madh i autostradës që lidh Lezhën dhe superstradën Tiranë - Lezhë me Ulqinin është akoma më ambicjoz dhe ka qënë si projekt një mega investim prej 25 milion euro. Tashti me rrugën Shkodër - Hani i Hotit me rreth 30 milion euro, me urën e Bunës prej 7 milion euro dhe me projektin në vazhdim të autotradës Lezhë-Ulqin prej 25 milion euro, mbyllet edhe koridori i madh Jugë-Veri që quhet edhe koridori numër 5.

Agjensia e Lajmeve "SOT"

Pika Kufitare e Urës së Bunës, jashtë funksionit

Kufiri kalohet nëse paguan. Me 25 euro mund të shkosh në Mal të Zi pa e vulosur pasaportën

Pika e Kalimit Kufitar në Urën e Bunës nuk ka funksionuar asnjë ditë, edhe pse është përuruar dy vjet e gjysmë më parë. Në 18 qershor të vitit 2006 kjo pikë e kalimit kufitar u përurua me mjaft bujë nga ministrat e Mjedisit të dy vendeve, të cilët prenë në Shkodër shiritin e inaugurimit të pikës më të re kufitare mes dy vendeve, Ura e Bunës-Vir Pazar, aty ku dikur ka qenë godina e doganës. Por që nga dita kur është inauguruar kjo pikë kalimi kufitare, ajo nuk ka funksionuar asnjëherë si e tillë. Edhe pse u mendua se pas 62 vitesh do të rinisë sërish transporti ujor i udhëtarëve nëpërmjet liqenit të Shkodrës drejt Malit të Zi, kjo nismë dështoi. Nëse pyet se cila është arsyeja e mosfunksionimit të kësaj pike, nuk merr përgjigje. Palët ia hedhin fajin njëra-tjetrës. Në Prefekturën e Shkodrës të thonë se nga pala shqiptare gjithçka është gati, por ka ngelur pa u hapur nga malazezët. Ndërsa arsyeja e vërtetë duket se është tjetër. Shkodra, ashtu si gjithë Shqipëria, nuk ka kushtet e duhura mjedisore për aktivitete turistike. Në vendin ku do të ankoroheshin tragetet, derdhen të gjitha ujërat e zeza të qytetit të Shkodrës. Pra, pala malazeze e ka dëshirën për vënien në eficencë të kësaj pike kalimi, por kushtet mjedisore që ofron Shqipëria janë të papranueshme. Në vitin 1920, Shqipëria te moli i Urës së Bunës kishte pikën kufitare dhe pikën doganore më të madhe dhe ndër më të fuqishmet në Ballkan, ndërsa sot, pas rreth 90 vitesh, qeveritë shqiptare nuk mundën të krijojnë as të paktën një pikë kalimi kufitar nëpërmjet liqenit, për të mos bërë fjalë pastaj për pikë doganore.

Ndërkohë, nga kjo pikë kalimi kufitar mund të kalohet po të paguash ndonjë polic. Një gazetar i "Fiks Fare" bën pazar me një sekser (ish-polic në këtë pikë doganore dhe tani shofer taksie) për 50 euro për të kaluar kufirin nga Shqipëria në Mal të Zi. Për të kaluar kufirin pa marrë vulë, mjafton të fusësh 20-25 euro në pasaportë për vajtje e po aq për kthim e gjithçka është në rregull. Sipas sekserit, kjo punë kështu bëhet, me 25 euro në pasaportë dhe kalon në anën tjetër pa vulosur. Për ata që janë me pasaportë amerikane pazari është 250-300 euro. Ata kërkojnë të mos e vulosin pasaportën se kanë kërkuar azil politik e iu dalin probleme po të kenë vulë nga dogana. Me këto pazare e këto lekë në dorë del kur të duash nga kufiri shqiptar.


Marre pej Gazets Shqip

Qeveria shqiptare asht njaq rrencake sa asht edhe mashtruse, si u dashka me kene pika kufitare e Urs Buns funksionale kur ala Porti i Buns nukasht i shpallun nerkomtarisht, e kur ala lumi Buna asht i palunrushem si status interrnacional por edhe ne praktike sepse asht i palunrushem sepse asht mushe me meturina e askush se ka thellu tash 64 vjet

Ky lajm me duket shum i trillum e teper sensacional por qi ne te verteten perkthet si thash ma siper ne lajm mashtrus e trulams tuj e kthy ne lajm te mire e shpresdhans kur ne t'verteten asht jalm fallco

Heqja e trenit të drekës, 50 mijë udhëtarë më pak

» Dërguar më: 18/02/2009 - 10:35

Brikena Shllaku

SHKODER -Ndryshimet e herë pashershme të orareve të trenave kanë ndikuar negativisht në bilancin e të ardhurave për Drejtorinë e Hekurudhave në Shkodër. Drejtori i Drejtorisë Rajonale të Hekurudhave, Tonin Trupa e ka cilësuar si të pamenduar mirë vendimin e Drejtorisë e Përgjithshme për ndryshimin e orareve të lëvizjeve të trenave dhe çfarë është më kryesorja, për heqjen e trenit të drekës të linjës Shkodër-Tiranë. Ai e ka argumentuar këtë vendim si shkas për mosrealizimin e plotë të planit të parashikuar për vitin 2008. Në një takim të bërë në Drejtorinë e Hekurudhave të Shkodrës, kreu i saj, Tonin Trupa është shprehur se "ky vendim na ka shkaktuar dëme ekonomike, pasi edhe fluksi kryesor i njerëzve të këtij rajoni udhëton me trenin e drekës". Sipas Trupës, Drejtoria Rajonale e Hekurudhave në Shkodër ka punuar për realizimin e rezultateve të larta, kryesisht duke u bazuar në transportin e udhëtarëve, që është edhe burimi kryesor i të ardhurave të saj, si dhe në pritjen e përcjelljen e trenave të mallrave me ngarkesa të ndryshme, të ardhur nga stacioni i Bajzës. Ndërkohë mësohet se gjatë vitit të kaluar, plani i realizimit të të ardhurave vjetore të vjela nga udhëtarët ishte në masën 86 për qind. Drejtuesit e hekurudhës në qytetin verior pohojnë se kjo shifër do të ishte më e madhe nëse nga Drejtoria e Përgjithshme e Hekurudhave nuk do të hiqej treni i drekës, i cili kishte edhe volumin më të madh të udhëtarëve të këtij rajoni, kryesisht nga fshatrat. "Vendimi për heqjen e trenit të drekës si dhe ndryshimet e orareve të lëvizjeve të trenave, na hoqi rreth 50 mijë udhëtarë të mundshëm nga volumi i punës. Kjo për faktin se për rreth 9 muaj të vitit që shkoi, ky orar nuk ka funksionuar", - sqaron Tonin Trupa. Ai thotë se në transportin e udhëtarëve, detyra e ngarkuar për vjeljen e të ardhurave në shumën prej 8 milionë e 100 mijë lekëve, u realizua në masën rreth 7 milionë lekë (86 për qind). E thënë ndryshe, u transportuan 72 për qind e udhëtarëve të planifikuar, nga 147 mijë udhëtarë gjithsej. Ndërsa në vlerën totale të punës, në të ardhurat e përgjithshme kjo drejtori ka mbledhur mbi 8 milionë e 60 mijë lekë nga 8 milionë e 590 mijë që ishte planifikuar. Pra plani është realizuar në masën 94 për qind. Drejtoria Rajonale e Hekurudhave në Shkodër ka kërkuar që Drejtoria e Përgjithshme e Hekurudhave të konsultohet më parë me Drejtorinë e Shkodrës kur planifikon të bëjë ndryshime në orare, të dëgjojë propozimet që bëhen prej saj, pasi mënyra sesi ka vepruar deri tani krijon keqinformacion tek pasagjerët që lëvizin me tren.

Marre prej Gazets Shqiptare Online

Shembet ura e Rrjollit, izolohen 1 mijë banorë

» Dërguar më: 30/09/2009 - 13:46

Brikena Shhlaku

SHKODER -Fshati Rrjoll, në Komunën e Velipojës, izolohet plotësisht. Dy ditë më parë, ura që lidhte këtë fshat me pjesën tjetër të komunës dhe qytetin e Shkodrës është shembur. Rreth 1 mijë banorë nuk mund të kryejnë asnjë shërbim si në administratë, ashtu dhe në rast sëmundjeje. Ata i luten Zotit që të mos kenë probleme shëndetësore. Fshati Rrjoll është pjesë e lagunës së Vilunit, e cila është cilësuar si zona më e bukur e Velipojës, ndërkohë që kjo zonë ka mbetur në mëshirë të fatit. Në këto kushte, banorët e këtij fshati rrezikojnë jetën e tyre për të kaluar në anën tjetër të Komunës së Velipojës. Ura e Rrjollit, e kthyer tashmë në problem jetik, është premtuar se do të ndërtohej prej 18 vitesh, por asnjëherë nuk është bërë. Banorët e zonës kalonin me mjete rrethanore rreth 360 metra distancë ujore. Është kjo arsyeja që prej kaq vitesh dhe rastet e të mbyturve në këtë zonë nuk kanë munguar. Deri para '90-ës, në zonën e Vilunit kishte një pikë peshkimi. Varkat e peshkatarëve shërbenin edhe si mjet lundrimi për të kaluar në anën tjetër të Vilunit. Gjithçka bëhej pa pagesë. Pas '90-ës pika e peshkimit u mbyll, dhe kjo mundësi lëvizjeje tashmë nuk ekzistonte. Banorët nisën të kalonin në këmbë Vilunin, duke gjetur oraret kur kishte pak ujë ose dhe me not. Të mbetur pa asnjë përkrahje, banorët 7 vite më parë, privatisht u mblodhën dhe ndërtuan urën provizore prej dërrase. Kjo urë që bashkonte fshatin Rjoll me zonën e plazhit është shembur plotësisht. "Jemi të zhgënjyer nga politika dhe pushteti. Të gjitha ata që ishin dhe vijnë në pushtet na lodhin me premtime", - shprehen banorë të Rrjollit. Ndërkaq, kryetari i komunës së Velipojës, Nikoll Marku pohon se brenda katër ditëve ura do të riparohet, ndërsa po bëhet gati projekti tjetër. "Jemi duke hartuar projektin e urës së re, e cila do të jetë tip 'beli'. Shumë shpejt do të nisë puna për ndërtimin e urës së re. Ne jemi të shqetësuar për situatën e krijuar në fshatin Rrjoll", - sqaron Marku. Nga ana gjeografike, ky fshat është i izoluar totalisht. Nga veriu është i izoluar nga Maja e Zezë, nga perëndimi me Lagunën e Vilunit, ndërsa nga jugu dhe lindja është i rrethuar me detin Adriatik. Plazhi i Rrjollit është plotësisht i pashfrytëzuar dhe rëra e zezë nga jodi është gjatë gjithë bregut. Rrjolli është një fshat turistik dhe ka një pozitë gjeografike tejet të lakmueshme për turistët, të cilët jo në pak raste e frekuentojnë këtë zonë, me qëllim largimin nga zhurma e qendrës së plazhit. Por turizmi, edhe pse i premtuar, duket se është shumë larg për këtë zonë.

Copyright 2007 Gazeta Shqiptare