Forums
Shkodra -Lajme - Forum - Chat - Muzik - Radio -Video - TV :: Forums :: Forumi i ShkodraOnline.com :: Gjuha - Linguistika
 
<< Previous thread | Next thread >>
Gjuha Shqype pa Gegnishten Âsht si gjuha Shqype pa Tosknishten
Go to page  1 2
Moderators: :::ShkoderZemer, SuperGirl, babo, ⓐ-ⓒⓐⓣ, Edmond-Cela, ::bud::, ~*Christel*~, Al Bundy, :IROLF:, ::albweb::, OLIVE OYL
Author Post
Tafil Ibriku
Tue Jun 24 2008, 09:24pm

Registered Member #335
Joined: Thu Jan 11 2007, 09:16pm

Posts: 201
Nga Irhan Jubica
Mar 22, 2008, 22:45

Primo Shllaku
Poet me nji zâ te vetin poetik, Primo Shllaku asht nji ndër autorët e letërsisë shqipe që gjatë diktaturës nuk kishte gja për me thanë. Mbas kësaj kohe, jo vetëm nëpërmjet krijimtarisë letrare, por edhe n’intervista – si kjo që vijon – ai shprehet në mbrojtje të thesarit të munguem të standardit të sotëm gjuhsor, gegnishtes.

JAVA: Mungesa e nji forumi të lirë për shprehjen e mendimit ndryshe t’intelektualve shqiptarë a asht konfirmim i faktit se ky mendim ndryshe nuk ekziston, apo i faktit se shoqnia shqiptare nuk asht ende e gatshme me e mirpritë nji forum të tillë?

Primo Shllaku: Besoj se mendimi ndryshe ekziston. Sidomos mendimi në lamin e kulturës ekziston me nji opozicion të thekshëm dhe të përgjegjshëm njiherësh. Ky mendim sot nuk mund të thuhet se qëndron në ajër, sepse materializimi i tij në vepra letrare e artistike e ka konfirmue bazalitetin e tendencës dhe risinë e saj të padiskutueshme. Problemi i madh i kohës sonë nuk asht mungesa e institucioneve që do ta përfaqsonin ket mendim ndryshe. E keqja e madhe âsht se tek na në mnyrën ma paradoksale âsht vendosë në heshtje që ata njerz që i shërbyen ngritjes dhe konsolidimit (e aspak ramjes) së artit të Realizmit Socialist, thirren sot prap, si specialistë, për të riorientue gjuhën, letërsinë, menditë kulturore, etj. Kam idenë se shum ma e dobishme do të ishte që disa punë të binin në dorë të atyne që kanë fare pak ose edhe hiç stazh nëpër zyrat e kulturës, se sa disa cungje të vjetër që ripërtypin me ndryshime sipërfaqsore teori gjoja të reja, gjithsesi të paaplikueshme te na. Konfuzionin në ketë fushë e rrit shum edhe mungesa e nji platforme të kjartë nga ana e shtetit për zmontimin dhe shrranjosjen e trashigimisë komuniste, e cila sot ka vojtë si puna e qershive të Nastradinit. Shum njerz me dëshirë tremben nga ideja e boshllëkut. Shembulli i Rilindjes sonë që filloi mbi nji teren pothuejse zero dhe begatia e produktit të saj, a s’na thonë se nji stomak bosh punon ma mirë se ai që i duhet të bluej skrapin e nji vakti të gatuem keq. Inteligjencia shqiptare – mjerisht ky term âsht komunist i kulluet – do ta donte ket forum. Por shteti dhe qarqe kulturore të së kaluemes janë të betuem mos me i lshue pozitat hegjemone për sa të jenë gjallë. Shteti promovon politika kulturore që gjallnojnë diversitetin dhe inkurajon të gjitha tendencat. Shteti s’mund të jetë palë që ka pikëpamje edhe për gjuhën, edhe për artet, edhe për mendimin lvizës. Shteti nuk ka funksione represive në kulturë, për derisa ka vendosë me lejue shtypin, letërsinë e multimediat pornografike. Shteti âsht koordinator dhe përfaqsohet me të gjithë.

Në fillimin e vjetëve ’90, letërsia e artet e kohës së diktaturës ranë si gardh i kalbun

JAVA: Të shumtë kanë qenë zânat që kanë kërkue, si edhe ju, përmbysjen e sistemit letrar të diktaturës, por letërsia bashkkohore shqiptare asht ende nën hijen e randë të viteve ’60, jo vetëm sa i takon pikave të referimit, por rrjedhimisht edhe sistemit të vlersimit. A mendoni se duhet me ikë ma s’pari prej nji narcisizmi absurd në trajtimin e letërsisë shqipe?

Primo Shllaku: Ka qenë krejt e natyrshme që kultura e re pluraliste shqiptare, por edhe ajo “e nëndheshmja” që zhvillohej disi gjatë diktaturës, të mos ishin jo vetëm dakord me modelin e Realizmit Socialist, por në njifarë mnyre me dhanien e nji modeli tjetër, sado të vagët e sado të pakët, ky lloj modeli ka qenë i kontestuem me kohë e me vakt. Unë personalisht nuk kam kërkue ndonjiherë të përmbyset sistemi letrar. Dhe kjo jo sepse unë gjej diçka te ai sistem që më ndalon për të kërkue përmbysjen e tij. Jo. Kjo ndodh për vetë faktin e thjeshtë e ultraevident se ai sistem âsht përmbysë, shembë e skadue prej vetiu. Dhe jo si nji proces, por si nji shembje që ndodhë për nji çast. Në fillimin e vjetëve ’90, letërsia e artet e kohës së diktaturës ranë si gardh i kalbun. Ky qe nji sihariq i madh për kulturën dhe krijuesit, sepse po largohej trysnia e imponimit të metodës. Mirpo nji pjesë e krijuesve të asaj metode kishin lanë nën gërmadhat e atij gardhi, rininë e tyne ekzistenciale, rininë e tyne letrare, iluzionet për drejtsinë e diktaturës, mundin por edhe dëshminë e bezdishme të mosrefuzimit të fatkeqsisë. Meqë ishin shum dhe i njifnin rrugët e sintonisë, vendosën me i dalë zot shkrimeve të tyne, mbasi, kjo duket kjartë, nuk kishin se çka me thanë të re e në përputhje me shpirtin e kohës. Zamani a koha e tyne optimale e krijimit kishte ikë dhe stina e thatë e Realizmit Socialist ua kishte përzhitë klorofilat. E ç’faj mund të kemi na se ata e përdorën gabim jetën e tyne? E ç’kusur kemi na të rrimë e t’i ndigjojmë se paskan thanë ketë e atë, të gjitha kto mballosje të mapastajme e mjerane, kur të gjithë e dimë se ajo stinë ishte sŷmprehtë me i gjetë devijimet atje ku s’ishin e jo ma atje ku ishin të thanuna me adresë.

Unë, po, kam kërkue shprehimisht përmbysjen e kierarkive si dhe te libri për Martin Camajn kam kërkue me plot gojën që të hiqen gërmadhat e të hapet vend për Martinin.


“Nuk due të jem nji gozhdë e ngulun në tru të njerzisë”

JAVA: Ju jeni ndër përfaqësuesit e atyne që shkruen pa botue në diktaturë. Si ndiheni sa herë që autoritetet nga brenda sistemit mohojnë ekzistencën e letërsisë t’sirtarve në Shqipni, tue u përpjekë me jua shpërvetsue këte të drejtë?

Primo Shllaku: Më lejoni pak të shpreh njilloj alergjie që kam për togfjalshin “letërsi sirtaresh”.E di se ky âsht nji term i konsakruem dhe përmban edhe nji veshtrim neutral e kategorik.Si term nuk më duket i gjetun dhe do t’i bâj njifarësoj kritike, sepse sugjestioni i tij âsht ma fort pejorativ. Shkrimet rrinë në sirtar si rrinë paret në bankë a anijet mbi shpinë të detit. Vjet në maj më pyeti nji kineast amerikan që kishte ardhë te “Poeteka”: A ke qenë i persekutuem gjatë kohës së komunizmit? Unë iu përgjigja thatë se jo. U çudit dhe më ngriti supet: Si, kshtu? I thashë se gjatë diktaturës unë nuk kisha gjâ për me thanë. Pastaj i shtova: ”Tashti që kam për të thanë, tashti nuk më lanë. Tashti jam i persekutuem.” Edhe pse përgjigja ime kishte disi nji strukturë anekdotike, burri i botës nuk mbrriti me kuptue shum prej çka ndigjoi. Njeriu e kullandris vetë lirinë dhe s’i merr leje askujt për me e jetue lirinë si diktaturë apo anasjelltas. Vetëm se desha me thanë se termit “letërsi sirtari” që përpiqet me qenë nji term universal, ndoshta me kapitull në vete në tekstin e teorisë së letërsisë, në letërsinë shqipe bashkëkohëse i përgjigjet termi që po e shpik tashti “letërsi gozhdë”. Më ndihmoi Migjeni me vargun e tij “Nuk due të jem nji gozhdë e ngulun në tru të njerzisë”. Me nji fjalë kur të skjarohen gozhdat dhe karpentierët, do të skjarojmë sirtaret dhe marangozët.

Letersia ime si granate e csigirueme nen jastek

JAVA: Disnivelet e mëdhaja ndërmjet letërsisë zyrtare dhe asaj jozyrtare shqiptare gjatë 50 vjetëve të fundit a janë shprehje e ndërhymjes së shtetit në punët e letërsisë dhe e asaj që Trebeshina e pat quejtë si “përcaktim të shkrimtarit të parë me dekret shtetnor”?

Primo Shllaku: Të them të drejtën nuk e di nëse ka pasë gjatë ktyne 50 vjetëve të fundit nji letërsi jozyrtare. Përveç letërsisë skorbutike të RS, nuk e di se ka tjetër. Ato që kam shkrue unë e ndonji shok i imi, kanë qenë shprehje e lirisë sonë të mbrendshme, nji përpjekje me ruejtë turgorin shpirtnor dhe nji epsh djallzor me jetue me nji granatë të çsigurueme nën jastek. Nëse mandej, kjo lojë, si e tillë apo diçka ma tepër ka mundë me qenë edhe nji dëshmi e pjesmarrjes sime të mirfilltë në sfidën e artit, unë ket nuk e pres ta ndigjoj prej njerzish që janë ma tepër se nji rreth i ngushtë bashkëkohësish.

Patjetër që shteti kishte ndërhŷ në punët e letërsisë, pa tjetër që ndërhymja e shtetit nuk kishte qenë asnjiherë elegante dhe delikate, patjetër që shteti kishte gijotinën e vet edhe në Lidhjen e Shkrimtarëve e njerzit e devoçëm që shqelmonin stolin a hiqnin siguresën. Letërsia duhet të ishte konsakrimi moral e shpirtnor i mizorisë konstante të makinës shtetnore që kishte krijue institucionin e kurbanizimit periodik. E e dini se në letërsinë shqipe të RS ekzistojn edhe ndonji “personazh pozitiv” që manifeston simptoma të pamëdyshta kanibalizmi?

JAVA: Debati për raportet e intelektualve me shoqninë shqiptare në stadin aktual, asht çështje e moralit apo e të vërtetës? Cilës duhet me iu referue intelektualët, simbas jush?

Primo Shllaku: Na ende vazhdojmë me quejtë intelektualë njerzit që s’merren me punë fizike. Puna mendore âsht ma e shumllojtë se puna fizike dhe si të tillë, pra si intelektualë, duhet të biem dakord ma në fund me quejtë vetëm ata që, mbasi kanë msue fort, janë në gjendje me krijue diçka. ”Intelektuali” që nuk krijon âsht edhe shef llogarie, âsht edhe roje kantieri, edhe pilot avoni. Pra njeri i shlodhun, njeri me nge. E si mund t’i përcaktojmë na raportet me shoqninë kur masa e atyne që janë në gjendje me dhanë krijimtari të vërtetë rrethohet literalisht prej nji mase të trashë parazitare e të turbullt amatorësh, diletantësh, parvenysh, brigantash e deri provokatorësh. Kjo masë e ngeshme që shullâhet nën çdo qiell e nën çdo mot, nuk e njef asfare dilemën “të jesh atë kesh”.

JAVA: Në mungesë të studimeve serioze, ende s’asht vërtetue nëse nji nga arsyet e ndalimit të disa shkrimtarve të gjysmës së dytë të shekullit të kaluem ka qenë edhe gjuha, por kjo tezë as nuk asht hedhë kurrë poshtë. Cili asht gjykimi juej për këte aspekt?

Primo Shllaku: Edhe pse erdhi ajo liri minimale që i duhet njeriut për me dëshmue të paktën, nji pjesë e madhe e protagonistëve të asaj periudhe, preferojnë dhe po ikin pa krye nji rrfim total. Shkaqet janë të shumta, por gjithsesi janë vetjake dhe mikro-nikro. Kolë Jakova bani nji autokritikë të bukur e burrnore, por ajo kishte për shenjestër veten dhe partinë. Parti nuk ishte ma dhe vetja duhej lehtsue prej mkatit të gënjeshtrës. Ajo autokritikë ishte prap opurtuniste, sepse ai nuk foli për gjuhën. Pra, Kola e dinte se ata që e ruenin gjuhën ishin gjallë, kurse partia ishte nji karakatinë e braktisun. Gjuhsisht dramatika e tij ishte avancim i gegnishtes në dramaturgji dhe përqasje e guximshme dhe e sukseshme e dialogut me të folunën e gjallë. Kola do të bante shum ma mirë të përqendrohej te gjuha si mjet absolut i asaj natyre drame që shkruente ai dhe që ndrrimi i ekspresionit koincidoi fatalisht për ket autor me hymjen e tij në klimaks.

“Rrej, rrej...se dicka mbetet”

JAVA: Çfarë të vërtete shkencore apo logjike historike ka në thanien “Qysh nga shekulli i Skënderbeut… gjuha, që dikur kishte qenë e unifikuar, po thellonte ndarjen dialektore. Në këtë proces regresiv divergimi, një rol reaksionar luajti kleri katolik…” të bame në vitin 1978 nga njeni prej eksponentve ma të naltë të sistemit të kohës? A mendoni se kjo thanie ka zbritë në masën e njerzve tue i ba nji pjesë me mendue kështu edhe sot?

Primo Shllaku: Të gjithë eksponentët e naltë të sistemit të kohës ishin të turbulluem prej uthullës që Enveri u jepte me pi esëll çdo mëngjes. Fjalët e tyne s’i kam marrë për bazë as atëherë, as edhe sot. Kleri katolik nuk ka nevojë t’i dalë zot askush, sepse vepra e tij historike âsht e madhe dhe e lavdishme. Ata që sot përsërisin të tilla teza duket se msheftas vazhdojnë në shtëpitë e tyne kurën e uthullës esëll në mjes. Padyshim që kto zana tregojnë se historia e të ashtuquejtunës “tolerancë fetare” âsht ma tepër nji urim sesa e vërtetë e pakocka. Për ata që marrin vesht diçka nga gjuhsia shqipe do të kujtoj se fenomeni lokal e i përkohëshëm i rotacizmit që e ka mbarue veprimin e tij diku para ardhjes së sllavëve, pra mes shekujve VI-VIII, âsht i pari divergim degjenerativ mbrenda shqipes dhe se zona ku u shfaq nuk ka qenë tamam zonë e veprimit të klerit katolik, por e asaj pjese të trevave iliro-shqiptare që interesoheshin prej ndikimit bizantin dhe, përkatsisht, ortodoksisë.

Thania që i atribuohet Napoleonit “ Rrej, rrej se diçka mbetet”, realizohet në dy faza. E para âsht “rrej, rrej” dhe përkon me kohën e diktaturës. Kurse faza e dytë se “diçka mbetet”,i takon me qenë koha e jonë. Po të mos kishim “kso mbeturinash”, koha e jonë do të ishte pa rival dhe, kam frikë, shum e amësht. Të mos harrojmë se ata që mendojnë mbrapsht, janë absolutisht arsyeja për të cilën duhet të ekzistojnë ata që mendojnë mbarë.

Masakra hegjemoniste mbi gjuhen

JAVA: Tash që disa gjuhtarë shqiptarë nuk bajnë ma shkencë mbi parime partishmënie, standardin kanë mbetë me e mbrojtë tu’ sulmue si antishqiptar cilindo që ven në diskutim këte çështje. A mundet me u mbajtë në kambë nji standard gjuhsor me pretekstin se njisoi nji komb, i cili edhe mbas 35 vjetësh jo vetëm nuk ndihet i përfaqsuem në këte standard, por për pjesën ma të madhe t’individve të këtij kombi, standardi shfaqet me tiparet e nji mishi të huej?

Primo Shllaku: Më duket se Oscar Wilde e pati quejtë patriotizmin si strehën e fundit të

maskarejve. Viktimat intelektuale të indoktrinimit ideologjik dhe të partishmënive e ndjejnë tmerrsisht të pariparueshëm sistemin e tyne të dijeve dhe kjo i ban shum nevrikë e, për pasojë, agresivë. Sokrati paska thanë: Kur më kafshon qeni, çfarë prisni, që t’i sillem e ta kafshoj edhe unë qenin?”

Standardi âsht ky dhe po mbahet në kambë jo keq. Arrna andej, arrna kndej, ky standard ka lanë jashtë vetes edhe vetë disa zonalitete të tosknishtes. Ky arrnim që e ka kthye atê në nji patch work të vërtetë, nuk knaq ma askend, përveç atyne që e fitojnë buken tue krye arrnimin. Papritmas nji shkrimtar ynë i madh deklaron ose deklarohet se po merr nga gegnishtja. I shofim ata që merr nga gegnishtja e del se i ka marrë se s’ka pasë ku i merr tjetër veç prej ndonji gjuhe të huej. Pra ajo që sot kërkohet të na shitet si dashamirsi ndaj gegnishtes që qan e ankohet se âsht emargjinue, rezulton asgjâ ma pak se mosplotni ose edhe pamjaftueshmëni e bazës tosknishte të ktij standardi. Megjithë operacionet që janë krye e mund të kryhen, me gjithë përpjekjen dinake e fodulle për ta vû shoqninë shqiptare e dhe nji herë para faktit të kryem, me gjithëshurdhimin akademik si formë e terrorit shkencor në postdiktaturë, megjithë ngritjen e nji opinioni përherë e ma solid lidhë me rrugët për zbutjen e efektit të masakrës së kulturës së hegjemonizmit mbi gjuhën, unë them se gjuha shqipe pa gegnishten âsht si gjuha shqipe pa tosknishten.

Kur De Rada shijohet me kondom

JAVA: Asht e qartë se pasojat e Kongresit përjashtues të Drejtshkrimit nuk kanë me u riparue prej të njajtit brez që e organizoi ate. Mosthirrjen e nji autoriteti për me ndryshue vendimet e vitit 1972 e shihni si mungesë të vullnetit për ndryshim, apo si paaftsi e konfirmueme edhe në ribotimin e nji fjalori tejet të vorfën para pak kohësh, që e nxjerr gjuhën e sotme shqipe po aq të paevoluueme sa në vitin 1981?

Primo Shllaku: Gegnishta u përjashtue me program prej festës gjuhsore të shqiptarëve. Kongresi i njofti dhe i caktoi asaj njifarë statusi të vdekjes klinike që mbahet pranë për dhurim organesh. Substancialisht kongresi i tha gegnishtes “vdis ti që të bashkëpunojmë” Dhe qysh atëherë filloi ndërtimi i standardit mbi bazën e tosknishtes në bashkëpunim me nji të vdekun a klinikisht të vdekun. Shum thonë se rezultati âsht i dyshimtë, i paknaqshëm, gjysmak dhe, bile, ka asish që flasin për dështim. Unë nuk kam se si të gzohem kur dështon gjuha ime. Por as nuk kam sepse të mendoj se u bâ tashti, nuk zhbâhet. Ket mkat ua lâ të tjerëve dhe mos paça punë me ta. Po si t’ia bâjmë gegnishtes që âsht gjallë e e fortë se...? Ku t’i çojmë Arshi Pipat, Ernest Koliqat, Martin Camajt, Zef Zorbat e nji dorë tjetër letrarësh që janë gjallë e që nuk ma lejon etika t’i përmend as si interesantë? Ku? Pra nuk ka ndodhë ndonji mrekulli. Shqipja jonë e dashun, e msueme e lakue trupin e saj përmes Skilash e Karibdash, s’i paskej humbë reflekset edhe mbas Rilindjes që do të profilohej si epoka e triumfit të saj mbi kolerat e njipasnjishme mbi tê. E gegnishtja jonë e bukur që “i ka shti dridhën tanë Rumelisë”, e msueme me dalë shndosh ndër shtigje të ashpra historike, e kishte ruejtë të fortë turrin 400-500 vjeçar të jetës së saj dhe vazhdonte me dhanë kryevepra në stina të thata e në kushte asfiksimi. E ku ta çojmë gegnishten që dredhon, hidhet, çan e futet përparje? Ata të kongresit s’i kishin parasŷsh kto punë. Po kta të mbaskongresit ku duen me i çue kta vitalitete të gegnishtes? Apo nuk i shqetson mallkimi i De Radës, që si poet eminent i gjithëhershëm i letrave shqiptare sot lexohet i transkriptuem e shijohet me kondom, vetëm e vetëm se mes nesh e atij ishte nji det Adriatik dhe nji perandori osmane, autoritetin prohibitiv të të cilëve e pretendon sot nji kongres i bamë në kohën e palirisë.

JAVA: Përveç gjuhës standarde që duhet të jetë pengue me u rritë prej përjashtimit të gegnishtes, a mendoni se edhe vetë gegnishtja asht dâmtue prej mospërfshimjes dhe mungesës së zhvillimit natyror si gjuhë jo veç e folun, por edhe e shkrueme?

Primo Shllaku: Kohët e fundit ka pasë replika shum të mprehta dhe me argumente të ndritshme që kërkojnë rishime ridimensionime të qëndrimeve zyrtare akademike ndaj gjuhës. Argumentologjia âsht sa moderne aq edhe e forcueme me fenomene tipike të rrafshit konkret të kulturës e gjuhës sonë. Por bota akademike hesht, hesht me nji heshtje “ex cathedra”, heshtje fodulle por edhe vrasëse. Studiues të ndriçuem e njerz të kulturës si Ledi Shamku-Shkreli, Migjen Kelmendi edhe ndonji tjetër, kërkojnë hapsina të mdha për gegnishten, jo dhe aq për të riparue kongresin, se sa për të shpëtue trashigiminë letrare të ktij ekspresioni që gjallon me ngulm e shkëlqim sot e gjithë ditën. Nga gjuhtarët e institutit do të ishte e mirë të merrej iniciativa e nji konference ku të diskutohej rreth njisimit në kushte të reja të drejtshkrimit të gegnishtes si parapërgatitje për futjen e saj në shkollë si landë e themelit.

Për fund, duhet të them se damtimi i gegnishtes ka qenë ma shum i rendit moral. Kurse gjendja e saj e mënjanimit e ka sjellë në nji pozicion të mrekullueshëm për të bâ prekje shum modernizuese sidomos në adoptimin e nji drejtshkrimi praktik e sintetik.

Shkodranizmi i Gegnishtes asht kurth

JAVA: Si e komentoni mungesën e reagimit institucional nga Universiteti i Shkodrës në çështjen e rishikimit të standardit? A mendoni se po mbi këte institucion mundet me râ përgjegjsia për heshtjen masive edhe t’intelektualve t’asaj hapsine, e sidomos të shkrimtarve, shumica e të cilëve kanë harrue me shkru’ gegnisht?

Primo Shllaku: Universiteti i Shkodrës âsht skalioni i parë që ndoshta u asgjâsue në betejën e parë për hapjen ndaj gegnishtes. Unë i kujtoj me respekt replikat dhe rreshkun e sinqertë të seancave të vjeteve ’94-’95. Ata kishin nji gabim ose ndoshta ashtu ishin rrethanat. Problemi i gegnishtes nuk âsht dhe nuk mund të jetë problem i shkodranëve. Më duket se shkodranizimi i gegnishtes âsht kurtha ma e rrezikshme për t’u shtŷ pafundsisht kjo çeshtje. Problemi i gegnishtes sot profilohet si problem kombtar e mbarëkombtar dhe nuk ka aspak lidhje me çeshtjet e standardit e të letrarishtes. Gjuha letrare shqipe do të krijohet mbi bazën e dy nënletrarishteve shqipe, kur të dyja të jenë të gjalla e të përdoruna edhe në të folun, edhe në të shkruem. Gjuhën letrare do ta vendosë letërsia mbetëse dhe me përmbajtje të thellë humaniste, moderne e kompetitive jashtë e mbrendë. Gjuha letrare do të vijë pa i djegë etapat dhe pa i sforcue proceset. Maturimi i proceseve nuk mund të ndodhë mbrenda harkut të nji brêzi, e aq ma pak, mbrenda periudhës së nji pushteti. Unë mendoj se sot problemi i gegnishtes âsht kryesisht problem i toskfolësve natyrorë, të cilët rrezikojnë të gjenden të përjashtuem ndaj pjesës ma substanciale të krejt letërsisë kombtare të të gjitha kohnave
.


[ Edited Fri May 08 2009, 07:52am ]
Back to top
shehrezade
Wed Jun 25 2008, 11:55am
Registered Member #1166
Joined: Thu Aug 30 2007, 01:49pm

Posts: 149
ishalla vehet ne KS geg. si gjuh zyrtare
Back to top
Tafil Ibriku
Wed Jun 25 2008, 02:51pm

Registered Member #335
Joined: Thu Jan 11 2007, 09:16pm

Posts: 201
thojn kur je shkodran te tana i ban
po s'bane per shkodren asgja nuk ke ba
e askushi nuk je.


[ Edited Wed Jun 25 2008, 02:54pm ]
Back to top
L - N
Wed Jun 25 2008, 03:00pm
Registered Member #1228
Joined: Wed Sep 12 2007, 10:00am

Posts: 10623
Che ka shkruar:

thojn kur je shkodran te tana i ban
po s'bane per shkodren asgja nuk ke ba
e askushi nuk je.




Fatkeqsi e vertet mor zonti Che
por kisha edhe me ju shtu fjalve tuja

Edhe askushi ke me dek e asken nuk ke me lan
se me dashje apo padashje tetan egzistencen tane
je tu shkrra e je tu hedh kot matan venit tan
e kur te vin funi cake ba si Shkodran
pervec se je tu varros me vedi ne vorr tan


Ju pershnes tanve. Ju falemnders per shoqnin tuej, e ju prift e mara tanve pa perjashtim. Kam ndryshue shpin, e kam shkue me shpi te
... Me vjen keq po s'kam mundsi me u dukt ma ktej parit. Ju pershnes me mirnjohje e dashamirsi.

Back to top
Tafil Ibriku
Wed Jun 25 2008, 03:09pm

Registered Member #335
Joined: Thu Jan 11 2007, 09:16pm

Posts: 201
a je dakort me mu qe shkodra sot per sot ka vetem nevoje per shkodran? per asnji gja tjeter. harrone qe shkodra ka nevoje per gja tjeter. vetem shkodran
se vetem shkodrant munden me i dhan vendin qe i takon shkodres.
ashtu si ti, edhe une zotni neli, flas flas e fjalt i merr era
e shkoderlocja na pret te dera, duhet doren na me ja dhan
shkoderlocen me e cu edhe nji her n'kam
o zot ishalla shifsha vetem kshtu shkrimesh si te tujat ne tan forumet shkodrane e shqiptare. shqypnija ka nevoje vetm per dashni.
Back to top
L - N
Wed Jun 25 2008, 03:19pm
Registered Member #1228
Joined: Wed Sep 12 2007, 10:00am

Posts: 10623
Che ka shkruar:

a je dakort me mu qe shkodra sot per sot ka vetem nevoje per shkodran? per asnji gja tjeter. harrone qe shkodra ka nevoje per gja tjeter. vetem shkodran
se vetem shkodrant munden me i dhan vendin qe i takon shkodres.
ashtu si ti, edhe une zotni neli, flas flas e fjalt i merr era
e shkoderlocja na pret te dera, duhet doren na me ja dhan
shkoderlocen me e cu edhe nji her n'kam
Shum dakord jam me ty zotni inerum me pik e me presje

o zot ishalla shifsha vetem kshtu shkrimesh si te tujat ne tan forumet shkodrane e shqiptare. shqypnija ka nevoje vetm per dashni.
Falemners zotni i nerum per konsideraten por te njajten gja uroj edhe vet me pa si shkrimet tuja ne tana forumet shkodrane e Shqiptare




[ Edited Wed Jun 25 2008, 03:21pm ]

Ju pershnes tanve. Ju falemnders per shoqnin tuej, e ju prift e mara tanve pa perjashtim. Kam ndryshue shpin, e kam shkue me shpi te
... Me vjen keq po s'kam mundsi me u dukt ma ktej parit. Ju pershnes me mirnjohje e dashamirsi.

Back to top
Tafil Ibriku
Wed Jun 25 2008, 10:05pm

Registered Member #335
Joined: Thu Jan 11 2007, 09:16pm

Posts: 201
Po kam qejf me ju tregu nji ngjarje te vertet.
Jane taku nji Kosovar prej Pejet me nji Shqyptar prej Gjinokastret ne Zvicerr.
Sa e kane marr vesht qi jan Shqyptar jan ul ne nji lokal e kan than po knaqena me ba muhabet. Fol njeni e fol tjetri, gja n'bot nuk kane marr vesht. Mbas nja 15 minutave, kane gjet gjuh te perbashkt Italishten.

A me thoni vllazen a ka kund ma marre?

T'kish pas gegnishtja ma shum ndikim ne gjuhen e sodit, kso rastesh nuk
kishin me ndodh kurr.

Vllazen Shqyptar, kjo gjuh letrare po na ndan.

Back to top
L - N
Thu Jun 26 2008, 05:53am
Registered Member #1228
Joined: Wed Sep 12 2007, 10:00am

Posts: 10623
Che ka shkruar:

Po kam qejf me ju tregu nji ngjarje te vertet.
Jane taku nji Kosovar prej Pejet me nji Shqyptar prej Gjinokastret ne Zvicerr.
Sa e kane marr vesht qi jan Shqyptar jan ul ne nji lokal e kan than po knaqena me ba muhabet. Fol njeni e fol tjetri, gja n'bot nuk kane marr vesht. Mbas nja 15 minutave, kane gjet gjuh te perbashkt Italishten.

A me thoni vllazen a ka kund ma marre?

T'kish pas gegnishtja ma shum ndikim ne gjuhen e sodit, kso rastesh nuk
kishin me ndodh kurr.
Vllazen Shqyptar, kjo gjuh letrare po na ndan.



Asht dizaster per nji komb te vogel si na mos me mujt me pas gjuh gjithperfshimse kastan mor zotni i nerum Che gjuha letrare po na dan sot por fatkeqsisht na ka da qysh se asht formu gjuha letrare Shqype ne 1972 padrejtsisht e bazume 95% ne Tosknisht e 5% ne Gegnisht prej atij qi as emnin nuk du me ja permen.

[ Edited Thu Jun 26 2008, 05:58am ]

Ju pershnes tanve. Ju falemnders per shoqnin tuej, e ju prift e mara tanve pa perjashtim. Kam ndryshue shpin, e kam shkue me shpi te
... Me vjen keq po s'kam mundsi me u dukt ma ktej parit. Ju pershnes me mirnjohje e dashamirsi.

Back to top
Tafil Ibriku
Thu Jun 26 2008, 02:09pm

Registered Member #335
Joined: Thu Jan 11 2007, 09:16pm

Posts: 201
zotni neli. ! na kena nji barr shume te malle permi shpatlla.
asht detyra jone qi ata shkodran qi jan sot n'shkoder, mas me fillu e me ndi dashni e rrespekt per shkodren kur te dalin ne gyrbet, si kam fillu un apo shum te tjere.
kjo dashni qe me ka ardh per shkodren e shqypnin, mu me ka ardh ne gyrbet.
ket dashni qi kam un, du me ja dhan atyne qi jan n'shkoder, se kurr s'mund te baj un per shkodren qi jam ne dhe te huj, se sa mund te bajn aj qi asht ne shkoder.

Back to top
Al Bundy
Thu Jun 26 2008, 02:58pm
Al Bundy


Registered Member #1833
Joined: Tue Apr 22 2008, 10:08pm

Posts: 25133
Me tan respektin qi kam per Che kesaj i thojne 'Bani ç'ka tham une po mos bani ç'ka baj une'.



Back to top
scutari82
Thu Jun 26 2008, 03:06pm

Registered Member #1503
Joined: Tue Dec 18 2007, 07:58pm

Posts: 2737
ja ma nuk e besoj qe asht krejt ashtu pa tash per tash shkodren e kane m...... ne dor deri kur t'i mushin xhepat ata e te bahen rehat nuk munet me ba kush per shkodren s'e nuk te lajn kta tipat qe i kan fut rranjet thelle un e kam than ma perpara duhesh me ken shker........... legen mashtrus qe me arrit me ba dicka ne shkoder individi is incerte dhe i drejte atje vetem hesht edhe ben sikur nuk shef e nuk degjon biles pa cuditem pse jam tu shkrujt ktu se nuk ja vlen me i mendu ata gjana se vetem me depresion me japin
Back to top
Al Bundy
Thu Jun 26 2008, 03:13pm
Al Bundy


Registered Member #1833
Joined: Tue Apr 22 2008, 10:08pm

Posts: 25133
Xanax naqe ,dore me nji kur te vijne ndermend k'to problemet e Shkodres:-)



Back to top
Al Bundy
Thu Jun 26 2008, 03:22pm
Al Bundy


Registered Member #1833
Joined: Tue Apr 22 2008, 10:08pm

Posts: 25133
Che une per vedi e terheku ç'ka shkruva ma siper.S'kam nevoje per ma teper per mu bind ne sinqeritetin tand.



Back to top
Tafil Ibriku
Thu Jun 26 2008, 03:25pm

Registered Member #335
Joined: Thu Jan 11 2007, 09:16pm

Posts: 201
Miri74 ka shkruar:

Me tan respektin qi kam per Che kesaj i thojne 'Bani ç'ka tham une po mos bani ç'ka baj une'.


vetem rrespekt nuk ke tregu me ket qi ke shkru po nejse.
un nuk kam force me i than kujt ca me ba, e as me i kshillu se ca me ba.
nuk e ke gjet fjalen e duhun per at qe kam shkru un. nuk asht aj mesazhi qe kam dasht me dhan.
mesazhi jem asht bani at qi un me shok nuk mujtme me ba.
per aq kohe sa i jap dashni e mirnjohje shkodres, mu me duket sikur boll baj. e sikur me e ba tan, shkodra nuk kishte me ken sot kshu. kshu qe shprehja jote bjen poshte
Back to top
Tafil Ibriku
Thu Jun 26 2008, 03:28pm

Registered Member #335
Joined: Thu Jan 11 2007, 09:16pm

Posts: 201
Miri74 ka shkruar:

Che une per vedi e terheku ç'ka shkruva ma siper.S'kam nevoje per ma teper per mu bind ne sinqeritetin tand.


nuk du me bind kend ma t'marrsha t'keqen se sa i mire apo sa i sinqerte jam.
nuk vij ne forum e harxhoj kohe qi me i tregu kujt se a jam i mire apo ja.
un du vetem me ma dasht shkodren.
Back to top
Tafil Ibriku
Thu Jun 26 2008, 03:29pm

Registered Member #335
Joined: Thu Jan 11 2007, 09:16pm

Posts: 201
Miri74 ka shkruar:

Che une per vedi e terheku ç'ka shkruva ma siper.S'kam nevoje per ma teper per mu bind ne sinqeritetin tand.


nuk du me bind kend ma t'marrsha t'keqen se sa i mire apo sa i sinqerte jam.
nuk vij ne forum e harxhoj kohe qi me i tregu kujt se a jam i mire apo ja.
un du vetem me ma dasht shkodren.
Back to top
Al Bundy
Thu Jun 26 2008, 03:42pm
Al Bundy


Registered Member #1833
Joined: Tue Apr 22 2008, 10:08pm

Posts: 25133
Che une e terheka vete ate qe thashe (ndoshta jo me terma adekuate) perpara se ti me m'kthy pergjigje.Nejse pa randesi.Ajo qe du me thane eshte ka anetare (si une) qe edhe kalojne kohe vketu (ose harxhojne si thu ti) per qejf ,me shkemy 2-3 fjale,me degju nji kange etj.Nuk duhet mi marr gjanat teper seriozisht e mi kthy shkodraonline nji forum revoluzionar te patriotave shkodran.Te pakten keshtu e mendoj une. Mos me keqkupto se megjithese nuk e beson une te respktoj per kontributin qe jep me postimet e tuja.



Back to top
Tafil Ibriku
Thu Jun 26 2008, 03:46pm

Registered Member #335
Joined: Thu Jan 11 2007, 09:16pm

Posts: 201
[quote]
o che nuk e ve n'dyshim deshiren tande per me u kthy atje edhe deshiren tande qe ke me e pa shkodren mire edhe mu sikur ti atdhe dashurine e kam fitu ne gyrbet,por e shof se si asht realiteti atje edhe nuk kam qejf me fol per te aja rinija qe ti permen 60% munohen me dal ne gyrbet 30% shpresojn qe tapa bahen politikan kurse 10% e kan bethen se i kan prindt bosa
aj komenti jem aty ma siper asht pak ironik noshta asht mosha ose vete karakteri jem vetem desha me thane me te qe asht shume kollaj me me fole deri kur e provon vete
me respekte che
[/quote1214494660]
me vjen mire qe nuk ma more per keq se sinqerisht te fola si me ken vlla.
nigjo tashi asht detyra e jeme edhe e jotja me i than atyne qi jane atje. se ju vjen ma mar me lujt kamt e me ba dica per shkodren e me e kriju jete atje se ata nuk e din si un e ti se sa i rand asht gyrbeti.
un kam 16 vjet qi kam ik prej shkodres. kam ik ne shkoder mas 11 vitesh.
kam lan nan e bab, nuk kam gjet asnjenin. nuk kam mujt as me shku me i shti ne dhe.
i kam lan atje me zemer te thame e tume dishru deri sa i kan myll syt e u banen mi e kalb dheu. hajde te me thojn tash kush mu se sa bosh ndihem. hajde te me thojn kush mu si si me qan zemna. eh sa e sa jan si un.
gyrbeti asht i rand. vujtjet qe kena hek na, nuk duhet me i hek ma kush, nuk duhet me i hek neser fmit ton. asht detyra jone me ja kriju fmive ton kushtet qe mas me marr rugat e gyrbetit e mas me na i tha zemnat neser.

sa per ata krymat qi sot na jen tu e zaptu e tu e shkatrru e vjedh shkodren, asht detyr e jona me i qit perjashta ata maskarenj. menyra e vetme qe me i qit perjashta ata llomahane e me e ba shkodren ashtu si i takon, asht vetem nqs jena te bashkum.
mos e ban ti, mos e ban un, kush ka me na e ba shkodren?

flm qi merr mundimin me i shkru dy fjale per shkodren e qe e ke n'zemer.
Back to top
Tafil Ibriku
Thu Jun 26 2008, 03:52pm

Registered Member #335
Joined: Thu Jan 11 2007, 09:16pm

Posts: 201
Miri74 ka shkruar:

Che une e terheka vete ate qe thashe (ndoshta jo me terma adekuate) perpara se ti me m'kthy pergjigje.Nejse pa randesi.Ajo qe du me thane eshte ka anetare (si une) qe edhe kalojne kohe vketu (ose harxhojne si thu ti) per qejf ,me shkemy 2-3 fjale,me degju nji kange etj.Nuk duhet mi marr gjanat teper seriozisht e mi kthy shkodraonline nji forum revoluzionar te patriotave shkodran.Te pakten keshtu e mendoj une. Mos me keqkupto se megjithese nuk e beson une te respktoj per kontributin qe jep me postimet e tuja.


un jam familjar ma t'marrsha t'keqen. jam n'pune 7 ditet e javs.
un nji hall te forte e kam qi ulem ketu e ja marr kohen fmis, grus e vedit e qaj hallet e shkodres ktu me ju.
ti je i ri edhe e ke mendjen te muzika e te humori, o zot ishalla te shkon jeta muzike e humor. me nigju kange 1-2-3 e 4 sa te dojn ty e bardha zemen, me fol e me qesh sa te dush ti e me na knaq tanve. po nuk mundesh me than qi mas me e marr seriozisht punen e shkodres se ka qi nuk e kena marr seriozisht ka shku shkodra njitu ku asht. nji gja duhet me e kuptu qi kushdo qi hin ktu apo kudo tjeter e e qan hallet e shkodres, dije qe asht tu te qa edhe hallet tuja. shkodra nuk asht objekt, shkodren e bajm na. pra duhet me i ken mirnjohs tan atyne qe harxhojne fryme me qa hallet e shkodres, se n'fund t'fundit hallet tona jan tu qa.
mu nuk me ban zemra as per humor e muzike per aq kohe sa ta shof nanen (shkodren) n'shtrat tuj dhan shpirt, se e du me tan zemer e me tan vedin tem.
itash kisha hi n'zjerm vetem me e pa shkodren ashtu si du un.
e kam nan, me ka rrit, me ka dhan me pi prej gjinit te saj e aty du me dek, e nuk du me dek me zemen t'plasun. ndoshta ju duket te teprume ndjenat e mija patriotike e ma bani hallall nqs ju kam bezdis.



[ Edited Sun Jun 29 2008, 08:08am ]
Back to top
L - N
Thu Jun 26 2008, 06:00pm
Registered Member #1228
Joined: Wed Sep 12 2007, 10:00am

Posts: 10623
Che ka shkruar:

Miri74 ka shkruar:


Che une e terheka vete ate qe thashe (ndoshta jo me terma adekuate) perpara se ti me m'kthy pergjigje.Nejse pa randesi.Ajo qe du me thane eshte ka anetare (si une) qe edhe kalojne kohe vketu (ose harxhojne si thu ti) per qejf ,me shkemy 2-3 fjale,me degju nji kange etj.Nuk duhet mi marr gjanat teper seriozisht e mi kthy shkodraonline nji forum revoluzionar te patriotave shkodran.Te pakten keshtu e mendoj une. Mos me keqkupto se megjithese nuk e beson une te respktoj per kontributin qe jep me postimet e tuja.


un jam familjar ma t'marrsha t'keqen. jam n'pune 7 ditet e javs.
un nji hall te forte e kam qi ulem ketu e ja marr kohen fmis, grus e vedit e qaj hallet e shkodres ktu me ju.
ti je i ri edhe e ke mendjen te muzika e te humori, o zot ishalla te shkon jeta muzike e humor. me nigju kange 1-2-3 e 4 sa te dojn ty e bardha zemen, me fol e me qesh sa te dush ti e me na knaq tanve. po nuk mundesh me than qi mas me e marr seriozisht punen e shkodres se ka qi nuk e kena marr seriozisht ka shku shkodra njitu ku asht. nji gja duhet me e kuptu qi kushdo qi hin ktu apo kudo tjeter e e qan hallet e shkodres, dije qe asht tu te qa edhe hallet tuja. shkodra nuk asht objekt, shkodren e bajm na. pra duhet me i ken mirnjohs tan atyne qe harxhojne fryme me qa hallet e shkodres, se n'fund t'fundit hallet tona jan tu qa.
mu nuk me ban zemra as per humor e muzike per aq kohe sa ta shof nanen (shkodren) n'shtrat tuj dhan shpirt, se e du me tan zemer e me tan vedin tem.
itash kisha hi n'zjerm vetem me e pa shkodren ashtu si du un.
e kam nan, me ka rrit, me ka dhan me pi prej gjinit te saj e aty du me dek, e nuk du me dek me zemen t'plasun. ndoshta ju duket te teprume ndjenat e mija patriotike e ma bani hallall nqs ju kam bezdis.




Nuk du me nerhy ne diskutimin mes ju te dy zotni te nerum Miri74 e Che por po jap menimin tem aty ku me ngacmon e ku me duket mu e arsyshme persa i perket Shkodres e atdheut


Ca asht ajo fjale mor zotni Che (ndoshta ju duket te teprume ndjenat e mija patriotike e ma bani hallall nqs ju kam bezdis)


Nji e para kur je drejt e kur je tu prediku dashni e perkujdesje per atdheun tan e per venin tan e familjen tane nuk asht as keq e as nuk asht gabim po perkunrazi asht krenari e ti zotni Che si gjithkush tjeter qe nin e qe logjikon qe dashnin ja ke borxh Shkodres e Shqipnis duhet me luftu me mrojt drejtsin e dashnin per at qe te ka nimu mu kriju ashtu si edhe ne tjerve, se asht marre mu terkek e me i kthy shpinen Shkodres e atdheut sepse ai njeri qi asht Shkodran e nuk don vedin nuk don kerken e dihet se nuk ka me dasht edhe Shkodren,

tash e kuptoj dhe e rrespektoj edhe menimin e nryshem me temin por nji gja duhet me pas parasysh nans nuk i kthehet shpina kur asht e varfen njashtu edhe Shkodres qi na ka rrit e na ba ita qi jena sot nuk munena me i kthy shpinen sot qi ka nevoj per ne, ishtu si jena jena prej asaj shkoder cdo gja qi kena mrena nesh asht e krijume ne njifar mnyret prej asaj Shkoder.

Tash komunizmi ka ik e mos ja pashim bojen ma ati e asnji diktature tjeter po Shkodren nuk ka me ardh e me na ba kush tjeter kurr, as politikant e as zonat tjera se gjithkush shef interresin e vet personal se normalisht jetojm ne bot materiale ose ne materializem ku gjithca asht interresi. Shkurt Shkodra bahet prej Shkodranve, shkurt vlerat, kulturen, gegnishten e shqiptarizmin vetem na munena me i rujt e me i pasunu, mos ti shkojn ne men kuj se ka te marr qi tash pa vin me na ba Shkodren e Shkodrant sepse ju teket njashtu apo se skan ku me cu lekun e dashnin, por vetem Shkodrani munet me ba Shkodren tu nryshu mentalitetin, tuj pasunu kulturen e dijen e vet, tuj dasht vedin e Shkodren.

Probleme ka sa te dush me varfni e me njohurit se ke rreth 95% te popullsis Shkodrane qe nuk din taman se kush asht Shkodra, se Shkodra asht ish kryqyteti i Iliris e Illyricum, se Shkodra asht kryqenra e rilinjes Shqyptare, se Shkodra ka ken kryqytet kur Londra e Parisi nuk kan egzistu as si fshatna, kumunizmi jo vetem na ka cu ne epoken prihisorike te gurit nga ana ekonomike por na ka cu edhe ka ana kulturore e ka ana e njohurive, 95% te Shkodranve nuk din se nuk ka historian ballkanans e as Europian qe nuk ja ka qef me dit ma shum per kyt qytet prihistorik e qi nuk ka qytet ballkanas qe nuk na ka lakmi vjetersin, historin e kulturen Shkodrane e shkodranizmin.

Asht e vertet se Shkodra asht lenu sot e asht e plagosun me injoranc ma shum se me pasuni por si tash ma siper taman e taman jan te pakt ata Shkodran qe e din taman ca don me thane me ken Shkodran si histori, si kultur e si civilizim, jan te pakt ata Shkodran qe e din se Shkodra ka 24000 vjet te plota qytetnim te vazhdushem, e jan pak ose hic ato qytete qe kan civilizim konsekuent, si ju thash komunizmi na ka qerru e na ka ba injoranta po sot nuk munena me ja vu ma fajin komunizmit e askuj tjeter se Shkodra asht e jona dhe gjithsecili duhet me fillu prej te vedi e me analizu se a asht tu ba at qi pret Shkodra jo vetem ka ana financiare por edhe ka ana kulturore e ka ana e sensibilizimit ose te perhapjes te dashnis per vedin se vetem ather munesh me dasht Shkodren.

Ka ardh koha me fol haptaz e me i than nal shoqnis kur percajn e kur paragjykojn, ka ardh koha me i than jo krimit e hajnis, ka ardh koha me i than jo injoranc e fajsimit te Shkodres e njerzve per gjithca, ka ardh koha me pyt vedin ca ban ti per Shkodren qe i thu vedit Shkodran, ne fun te funit ti vet je pjes e ksaj Shkoder e gjithca fillon prej vedit.

Dashnia per asken nuk asht e tepert e jo ma per Shkodren e per Shkodranizem sepse ai qi nuk don vedin ai qi nuk don Shkodren nuk munet me i than vedit Shkodran.


Me falni se e zgjate e ju pershnes me rrespekt


[ Edited Sun Jun 29 2008, 08:18am ]

Ju pershnes tanve. Ju falemnders per shoqnin tuej, e ju prift e mara tanve pa perjashtim. Kam ndryshue shpin, e kam shkue me shpi te
... Me vjen keq po s'kam mundsi me u dukt ma ktej parit. Ju pershnes me mirnjohje e dashamirsi.

Back to top
L - N
Thu Jun 26 2008, 07:16pm
Registered Member #1228
Joined: Wed Sep 12 2007, 10:00am

Posts: 10623
scutari82 ka shkruar:

o che nuk e ve n'dyshim deshiren tande per me u kthy atje edhe deshiren tande qe ke me e pa shkodren mire edhe mu sikur ti atdhe dashurine e kam fitu ne gyrbet,por e shof se si asht realiteti atje edhe nuk kam qejf me fol per te aja rinija qe ti permen 60% munohen me dal ne gyrbet 30% shpresojn qe tapa bahen politikan kurse 10% e kan bethen se i kan prindt bosa
aj komenti jem aty ma siper asht pak ironik noshta asht mosha ose vete karakteri jem vetem desha me thane me te qe asht shume kollaj me me fole deri kur e provon vete
me respekte che



Njashtu asht mor scutary82 por gjithkush duhet me dhan kontributin personal mrena munsive me nryshu at qe ke ne dor per mire ne Shkoder edhe per ata qe jan atje si ka ana investimeve si ka kulturore, emancipuse e zhvillimit po ecne punt mire asnji nuk ike kun se kerkuj nuk ja ka ana token e huj vetem atyne qe urrejn vedin, tan prej hallit e prej problemeve kena ik se nuk na asht dhan shanci ne ven tonin por po dhame kontributin tone secili me nergjegjmeri, me vetdije me dashuni e me kamgulje vedit kurr ska mu ba ai ven. Masanej mor njerz a menoni najher ku doni mu plak e ku doni me i rrit njato familje neper qytetet e ameriks e europs qe ju pret vdekja tu ec me vrap me shku ne pun e tu punu ka 10-12 ore deri sa te desim tane ne pune, po ca po cesim ne drite e ca po lajm mrapa se na takon edhe ne ashtu si kan ba te part tone per ne e per ikyt qi kena sot.

Masanej Scutary un jam rrit atje e jam ba 19 vjec ne kohen ma te varfen e ma te prapametun qe ka perjetu najher Shkodra e Shqipnia, kam perjetu epoken e gurit e rregjimin ma te shemtum ne europ e noshta ne bot por prap se prap besoj ne at Shkoder e jam optimist sepse jap kontributin tem mrena munsive dhe jam i binun se po dhame tetan kontributin tone ne maksimum ajo Shkoder e ai ven s'ka ku me shku ne bote pa u ba.

Gur ka i gur bahet kalaja e shpi ka i shpi e dyqan ka nji dyqan bahet Shkodra e tetan ja kena borxh vedit ma shum se asaj sepse na jena Shkodra e na jena Shqipnia. Po investume e pasunume vedin atje kena pasunu Shkodren, po msume e emancipume vedin e shoqnin tone kena emancipu e zhvillu Shkodren, po msume e po hapme njohurit tona kena msu e pshtu te ardhmen e shkodres menoj un gjithmone ne qoft se tana i shkrijm bashke ne Shkoder e ne Shqipni.
T'pershnes scutary82


[ Edited Sun Jun 29 2008, 08:10am ]

Ju pershnes tanve. Ju falemnders per shoqnin tuej, e ju prift e mara tanve pa perjashtim. Kam ndryshue shpin, e kam shkue me shpi te
... Me vjen keq po s'kam mundsi me u dukt ma ktej parit. Ju pershnes me mirnjohje e dashamirsi.

Back to top
LINDON
Thu Jun 26 2008, 07:21pm
Guest
scutari82 ka shkruar:

o che nuk e ve n'dyshim deshiren tande per me u kthy atje edhe deshiren tande qe ke me e pa shkodren mire edhe mu sikur ti atdhe dashurine e kam fitu ne gyrbet,por e shof se si asht realiteti atje edhe nuk kam qejf me fol per te aja rinija qe ti permen 60% munohen me dal ne gyrbet 30% shpresojn qe tapa bahen politikan kurse 10% e kan bethen se i kan prindt bosa
aj komenti jem aty ma siper asht pak ironik noshta asht mosha ose vete karakteri jem vetem desha me thane me te qe asht shume kollaj me me fole deri kur e provon vete
me respekte che



NE NJI FORUM POPULLOR TI JEM PERQINDJET SI MAE THAN MENJA SE MERRESH ME STATISTIKAT E MINISTRIS SE QESHTJEVE SOCIALE.....60%-30%-e 10% qa jan kto marrina am kush te autorizon ty me ba kta sondazhe??? apo ngattrohesh me sondazhet ehymje daljeve ne forume chatte ....??? no coment!
Back to top
zjermi
Sat Jun 28 2008, 01:59am

Registered Member #1293
Joined: Mon Oct 01 2007, 04:38am

Posts: 2976
un jam familjar ma t'marrsha t'keqen. jam n'pune 7 ditet e javs.
un nji hall te forte e kam qi ulem ketu e ja marr kohen fmis, grus e vedit e qaj hallet e shkodres ktu me ju.
ti je i ri edhe e ke mendjen te muzika e te humori, o zot ishalla te shkon jeta muzike e humor. me nigju kange 1-2-3 e 4 sa te dojn ty e bardha zemen, me fol e me qesh sa te dush ti e me na knaq tanve. po nuk mundesh me than qi mas me e marr seriozisht punen e shkodres se ka qi nuk e kena marr seriozisht ka shku shkodra njitu ku asht. nji gja duhet me e kuptu qi kushdo qi hin ktu apo kudo tjeter e e qan hallet e shkodres, dije qe asht tu te qa edhe hallet tuja. shkodra nuk asht objekt, shkodren e bajm na. pra duhet me i ken mirnjohs tan atyne qe harxhojne fryme me qa hallet e shkodres, se n'fund t'fundit hallet tona jan tu qa.
mu nuk me ban zemra as per humor e muzike per aq kohe sa ta shof nanen (shkodren) n'shtrat tuj dhan shpirt, se e du me tan zemer e me tan vedin tem.
itash kisha hi n'zjerm vetem me e pa shkodren ashtu si du un.
e kam nan, me ka rrit, me ka dhan me pi prej gjinit te saj e aty du me dek, e nuk du me dek me zemen t'plasun. ndoshta ju duket te teprume ndjenat e mija patriotike e ma bani hallall nqs ju kam bezdis.

che, e ke shokun e rradhe


[ Edited Sun Jun 29 2008, 08:07am ]

ti o pellum simbol i paqes,
nder shekuj popujt t'kane rrespektu
ndalo pak ti n'shkodren teme
nje mesazhe urim prej meje me ju dergu.
dje prej jush une jam nda
ne vend t'huej per me lulzu
nje premtim prindve ju kam ba
sa te jem gjalle me i nderu!
(marre nga ZEST)

Back to top
Bujana's
Sat Jun 28 2008, 03:04am

Registered Member #1493
Joined: Sat Dec 15 2007, 01:04pm

Posts: 813
mu nuk me ban zemra as per humor e muzike per aq kohe sa ta shof nanen (shkodren) n'shtrat tuj dhan shpirt, se e du me tan zemer e me tan vedin tem.
itash kisha hi n'zjerm vetem me e pa shkodren ashtu si du un.
CHE te faleminderit per kto fjale qe te kan dal prej shpirtit , e ke shkru si ska ma bukur..... e ma merr mandja se tan ta kan ba hallall se fjalet e tuja kan nji kuptim qe tanve na kan ba me mendu mire para se me fol ... te lumte bro e tu prifte mare kudo qe te jesh

Friends like you, are special hugs from GOD.
Back to top
LINDON
Sat Jun 28 2008, 10:35pm
Guest
Bujana ka shkruar:

mu nuk me ban zemra as per humor e muzike per aq kohe sa ta shof nanen (shkodren) n'shtrat tuj dhan shpirt, se e du me tan zemer e me tan vedin tem.
itash kisha hi n'zjerm vetem me e pa shkodren ashtu si du un.
CHE te faleminderit per kto fjale qe te kan dal prej shpirtit , e ke shkru si ska ma bukur..... e ma merr mandja se tan ta kan ba hallall se fjalet e tuja kan nji kuptim qe tanve na kan ba me mendu mire para se me fol ... te lumte bro e tu prifte mare kudo qe te jesh


bash mir ke fol vash shkodrane se edi se je sojnike e.....hallall kjoft
Back to top
Go to page  1 2  

Jump:     Back to top

Syndicate this thread: rss 0.92 Syndicate this thread: rss 2.0 Syndicate this thread: RDF
Powered by e107 Forum System
Kerko ne Google dhe ShkodraOnline.Com
Custom Search
Mire se Vini
Emri i Identifikimit:

Fjalkalimi:




Me Kujto

[ ]
[ ]
Muzik Shkodrane - Sagllam


 
Chat Box
You must be logged in to post comments on this site - please either log in or if you are not registered click here to signup

Shkodra ne Youtube
Any use of the name and content of this website without the explicit written consent of the owners is strictly prohibited and it is protected under law. Email:webmaster@shkodraonline.com Per cdo ankese ju lutem mos hezitoni te na shkruani Flm. info@shkodraonline.com
Theme created by Free-Source.net
Render time: 0.5831 sec, 0.2834 of that for queries. DB queries: 61. Memory Usage: 3,201kB